मुंबई : प्रेक्षक साऊथ सुपरस्टार धनुष, नागार्जुन आणि रश्मिका मंदान्ना स्टारर 'कुबेर' चित्रपटाची प्रेक्षक आतुरतेनं वाट पाहत आहेत. काही दिवसांपूर्वी 'कुबेर'ची पहिली झलक समोर आली होती. आता 'कुबेर' चित्रपटाच्या निर्मात्यांनी प्रदर्शनाची तारीख जाहीर केली आहे. याबरोबर एक धमाकेदार पोस्टरही प्रदर्शित करण्यात आलं आहे. रश्मिका मंदान्नानं तिच्या ट्विटर अकाउंटवर 'कुबेर' चित्रपटाचे एक जबरदस्त पोस्टर शेअर केले आहे. या पोस्टरमध्ये धनुष आणि नागार्जुन एकमेकांसमोर असल्याचे दिसत आहेत.
'कुबेर' कधी होईल रिलीज? : रिलीज झालेल्या पोस्टरमध्ये धनुष आणि नागार्जुन हे गंभीर लूकममध्ये असल्याचे दिसत आहेत. दरम्यान सोशल मीडियावर व्हायरल होत असलेल्या पोस्टरवर लिहिलं गेलं आहे, '20 जून 2025 रोजी चित्रपटगृहात, महाशिवरात्रीच्या शुभेच्छा.' कुबेरचा फर्स्ट लूक गणेश चतुर्थीला प्रदर्शित झाला होता, ज्याला प्रेक्षकांचा चांगला प्रतिसाद मिळाला होता. चित्रपटा फर्स्ट लूक हा एका टीझरसारखाच होता, यामध्ये धनुष आणि नागार्जुन वेगळ्या अवतारात दिसले होते. दुसरीकडे रश्मिका देखील फर्स्ट लूक झलकमध्ये धमाकेदार दिसली होती. चित्रपटाच्या पोस्टरमध्ये धनुष पूर्ण दाढी आणि वाढलेल्या केसांसह एका नवीन अवतारामध्ये दिसत आहे. आता त्याच्या विचित्र लूकमुळे सर्वांनाच हा चित्रपट कशाबद्दल असेल असा प्रश्न पडला आहे. दुसरीकडे, नागार्जुन अक्किनेनीच्या व्यक्तिरेखेतही काहीतरी नवीन दिसत आहे. आता चित्रपटात काय घडणार आहे हे पाहणे रंजक ठरेल.
Kubera releasing on 20th June ☄️ @dhanushkraja @iamnagarjuna @iamRashmika @sekharkammula @ThisIsDSP @SVCLLP @amigoscreation @jimSarbh @AsianSuniel pic.twitter.com/5YhxN7IwbQ
— Rashmika Mandanna (@iamRashmika) February 27, 2025
'कुबेर' चित्रपटाबद्दल : कुबेरमध्ये धनुष, रश्मिका आणि नागार्जुन यांच्याबरोबर दिलीप ताहिल देखील एका खास भूमिकेत आहेत. या चित्रपटाची निर्मिती शेखर कम्मुला आणि अमिगोस क्रिएशन्स यांनी केली आहे. तर संगीत या चित्रपटाला देवी श्री प्रसाद यांनी दिलं आहे. 'कुबेर' चित्रपटाचं दिग्दर्शन शेखर कम्मुला यांनी केलं आहे. दरम्यान रश्मिकाच्या पोस्टवर एका चाहत्यानं लिहिलं, 'खूप चांगल्या दिवशी रिलीज होत आहे कुबेर चित्रपट.' दुसऱ्या एकानं लिहिलं, 'या चित्रपटामधील स्टार कास्ट चांगली आहे.' आणखी एकानं लिहिलं, 'रश्मिका ही खूप नशीबवान आहे.'
हेही वाचा :
