എറണാകുളം: മംഗള വനം പക്ഷിസങ്കേതത്തിന് സമീപം അജ്ഞാത മൃതദേഹം കണ്ടെത്തി. നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യാനോ ഗ്രാഫിയുടെ ഗേറ്റിലെ കമ്പി ശരീരത്തിൽ തുളച്ചു കയറിയ നിലയിലാണ് മൃതദേഹം കണ്ടെത്തിയത്. ഗേറ്റ് ചാടി കടക്കാൻ ശ്രമിക്കുന്നതിനിടെ കമ്പി ശരീരത്തിൽ തുളച്ച് കയറി മരണം സംഭവിച്ചതായാണ് പൊലീസ് സംശയിക്കുന്നത്.
ഗേറ്റിനു മുകളിലെ കമ്പിയിൽ നഗ്നമായ നിലയിലാണ് മൃതദേഹം കിടക്കുന്നത്. മരിച്ചയാളെ തിരിച്ചറിഞ്ഞിട്ടില്ല. സുരക്ഷ ജീവനക്കാരാണ് ആദ്യം മൃതദേഹം കണ്ടത്. തുടർന്ന് പൊലീസിനെ വിവരം അറിയിക്കുകയായിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
അർദ്ധരാത്രിയാലാണ് സംഭവം നടന്നതെന്നാണ് സംശയിക്കുന്നത്. ഇൻക്വസ്റ്റ് നടപടികൾ പൂർത്തിയാക്കി മൃതദേഹം എറണാകുളം ജനറല്‍ ആശുപത്രി മോർച്ചറിയിലേക്ക് മാറ്റി. അസ്വാഭാവിക മരണത്തിന് എറണാകുളം സെൻട്രൽ പൊലീസ് കേസെടുത്തു അന്വേഷണം ആരംഭിച്ചു.
Also Read: നവജാത ശിശുവിന്‍റെ മൃതദേഹം പുഴയില്‍; പൊക്കിള്‍കൊടി മുറിച്ചുമാറ്റാത്ത നിലയില്‍
