यवतमाळ - पन्नास लाख रुपयांच्या खंडणीसाठी एका व्यावसायिकाच्या तरुण मुलाचे अपहरण करण्यात आले आहे. शहरातील शिवाजी गार्डन परिसरात ही घटना घडली.हर्ष ईश्वर नचवानी (वय 18) असे अपहरण झालेल्या तरुणाचे नाव आहे.
शहरातील शिवाजी गार्डन परिसरात नेहमी वर्दळ असते. हर्ष आज याच परिसरात आला होता. अपहरणकर्त्यांनी चोरीच्या दुचाकीवरून हर्षला चाकूचा धाक दाखवत त्याचे अपहरण केले. त्यानंतर त्याला जंगलात नेऊन माराहण केली. तसेच हर्षच्या मोबाईलवरून त्याच्या वडिलांच्या मोबाईलवर व्हिडिओ कॉल केला. त्यावेळी ५० लाख रुपयांची खंडणी मागितली. तासाभरात खंडणीची रक्कम न मिळाल्यास हात-पाय तोडून जीवे मारण्याची धमकी दिली. त्यानंतर व्यावसायिक नचवानी यांनी अवधूत वाडी पोलीस ठाण्यात धाव घेतली. त्यानंतर पोलिसांनी तत्काळ शोधमोहीम राबवली. त्याचे लोकेशन ट्रेस करण्याचा प्रयत्न केला असता एमआयडीसी परिसरातील जंगालामध्ये असल्याचे समजले. मात्र, अद्यापही त्याचा पत्ता लागला नाही. आताही अवधूत वाडी पोलिसांकडून युद्धपातळीवर हर्षचा शोध घेणे सुरू आहे.
