वाशिममध्ये एकाच रात्रीत दहा कुत्र्यांचा मृत्यू

कारंजा शहरात रमाई कॅालनीमध्ये एकाच रात्रीत 10 कुत्र्यांचा मृत्यू झाला आहे. विष प्रयोग झाला की, कुठल्या रोगामुळे या कुत्र्यांचा मृत्यू झाला याबाबत खात्रीशीर माहिती नाही.

वाशिम - जिल्ह्यातील कारंजा शहरात रमाई कॅालनीमध्ये आज पहाटे एक विचित्र घटना समोर आली आहे. कॅालनीमध्ये एकाच रात्रीत 10 कुत्र्यांचा मृत्यू झाला आहे.

ही बाब सकाळी नागरिकांच्या लक्षात आली. एकाच रात्रीत १० कुत्री मरणे ही, गंभीर बाब आहे. शहरात मागील काही दिवसांपासून होत असलेल्या चोरीच्या घटनांशी याचा काही संबंध असावा, असा अदांज वर्तवण्यात येत आहे. मात्र, नेमका या कुत्र्यांचा मृत्यू कशामुळे झाला हे समजू शकले नाही. विषप्रयोग झाला की, कुठल्या रोगामुळे या कुत्र्यांचा मृत्यू झाला याबाबत खात्रीशीर माहिती नाही. कुत्र्यांचे शवविच्छेदन करुन, मृत्यूचे कारण शोधून हे कृत्य करणाऱ्यांना शिक्षा करावी, अशी मागणी श्वानप्रेमींनी केली आहे. स्थानिक नागरीकांनी सदर प्रकरणाची माहिती कारंजा शहर पोलीस स्टेशनला दिली आहे.