ठाणे - शेतकऱ्याचा मुलगा जगाची सफर करुन आज पुन्हा मायदेशी परतला आहे. विष्णुदास चापके असे त्या शेतकरी पुत्राचे नाव आहे.
विष्णुदास मागील ३ वर्षापासून संपूर्ण जग फिरण्यासाठी निघाला होता. घरासाठी साठवलेले पैसे या आपल्या ध्येयासाठी त्याने खर्च केले. मात्र संपूर्ण पृथ्वीला प्रदक्षिणा घालून तो आज परातला. यात त्याने ३५ देश आणि ४ खंड पादाक्रांत केलेत.
विष्णुदास चापके
कोणतेही प्लॅनिंग न करता त्याने हा प्रवास केला. सोबत प्रत्येक देशात एक झाड देखील त्याने आठवण म्हणून लावले आहे. अमेरिकेत व्हिसा न मिळाल्याने त्याचा प्रवास खूप लांबला पण शेवटी त्याने तो पूर्ण केलाच. असंख्य अडीअडचणी समोर येऊन देखील आज विष्णू जगभ्रमंती करून मायदेशी परातला.
