सोलापूर - दिनांक 3 जुलै रोजी गाडी क्रमांक 12169/12170 पुणे- सोलापुर-पुणे इंटरसिटी एक्सप्रेस रद्द करण्यात आली आहे. तसेच दिनांक 1 जुलै रोजी विशाखापटनम स्थानकावरून निघणारी गाडी क्रमांक 18519 विशाखापटनम- लोकमान्य टिळक टर्मिनस एक्सप्रेस पुणे स्थानकापर्यंतच धावणार आहे, अशी माहिती मध्य रेल्वेच्या सोलापूर विभागाचे वरिष्ठ मंडल वाणिज्य प्रबंधक व जनसंपर्क अधिकारी यांनी दिली आहे.
तसेच दिनांक 3 जुलै रोजी लोकमान्य टिळक टर्मिनस स्थानकावरून धावणारी गाडी क्रमांक 18520 लोकमान्य टिळक टर्मिनस- विशाखापटनम एक्सप्रेस ही गाडी लोकमान्य टिळक टर्मिनस पुणे स्थानकादरम्यान धावणार नाही.
दिनांक 3 जुलै रोजी गाडी क्रमांक 11301 मुंबई- बेंगलोर उद्यान एक्सप्रेस सोलापूर स्थानकावरून आपल्या निर्धारित वेळेत धावेल. सदर गाडी मुंबई सोलापूर स्थानका दरम्यान धावणार नाही.
