सातारा- जिल्ह्यातील वाई तालुक्यात आई आणि मुलाच्या नात्याला काळीमा फासणारी घटना घडली आहे. मुलानेच आपल्या जन्मदात्या आईवर बलात्कार केल्याचा प्रकार उघडकीस आला आहे. याप्रकरणी भुईंज पोलीस ठाण्यात त्या मुलाविरुद्ध गुन्हा दाखल करण्यात आला आहे.
मिळालेल्या माहितीनुसार, सातारा जिल्ह्यातील वई तालुक्यातील एका गावात मुलानेच आपल्या जन्मदात्रीवरती बलात्कार केल्याची घटना घडली. एवढेच नव्हे तर आईला वाचवण्यासाठी पुढे आलेल्या वडीलांनाही मुलाने दगडाने मारहाण करुन जखमी केले आहे. आरोपी मुलाची आई आणि वडील एक लग्न संमारंभ आपटून घरी परत आले होते. त्यावेळे आरोपी मुलगा घराच्या ओट्यावर बसला होता. परतल्यावर जेव्हा आई घरात गेली तेव्हा हा मुलगाही तिच्यामागे घरात गेला आणि त्याने आतून दरवाज्याची कडी लाऊन आईवर जबरदस्ती केली.
आईचा आरडाओरडा ऐकून आरोपी मुलाच्या वडिलांनी या प्रकाराची माहिती शेजाऱ्यांना दिली. त्यानंतर आरोपी मुलाला त्याच्या वडिलांनी जाब विचारला असता त्याने वडिलांनाच दगडाने मारुन जखमी केले. घटनेनंतर पिडीत आईने आरोपी मुलाविरोधात भुईंज पोलीस ठाण्यात तक्रार दाखल केली आहे. पोलिसांनी आरोपी मुलाला अटक केली आहे.
