नागरिकांच्या मारहाणीत संशयित चोरट्याचा मृत्यू; शवविच्छेदन अहवालात होणार स्पष्ट

पिंपरी-चिंचवडमध्ये नागरिकांच्या मारहाणीत एका संशयित चोराचा मृत्यू झाल्याची घटना आज (मंगळवार) पहाटेच्या सुमारास उघड झाली आहे.

पुणे - पिंपरी-चिंचवडमध्ये नागरिकांच्या मारहाणीत एका संशयीत चोराचा मृत्यू झाल्याची घटना आज पहाटेच्या सुमारास उघड झाली आहे. या प्रकरणी भोसरी पोलीस अधिक तपास करत आहेत. नेमका चोराचा मृत्यू मारहाणीतच झाला आहे का? हे शवविच्छेदन अहवालात स्पष्ट होईल, असे भोसरी पोलिसांनी सांगितलंं. संतोष महादू हौसे (वय 38 रा. दिघी) असे मारहाणीत मृत्यू झालेल्या व्यक्तीचे नाव आहे.

पोलिसांनी दिलेल्या माहितीनुसार, पिंपरी-चिंचवड शहरातील भोसरीमध्ये मृत संतोष हा एकाच्या घरात गेला होता. तेथील व्यक्तींनी आरडाओरडा केल्याने इतर नागरिक जमा झाले. त्यानंतर संतोषला पकडून, बांधून मारहाण करण्यात आली आणि यातच त्याचा मृत्यू झाला, अशी प्राथमिक माहिती मिळत असून भोसरी पोलीस अधिक तपास करत आहेत.