नांदेड - केंद्र शासनाच्या किमान आधारभूत खरेदी योजनेंतर्गत नाफेडच्यावतीने हंगाम २०१८-१९ मध्ये हमीभावाने तूर खरेदी करण्यात येणार आहे. यासाठी नांदेड जिल्ह्यात ६ ठिकाणी शेतकरी नोंदणी सुरू करण्यात आलेली आहे.
शेतकरी बांधवांनी तूर नोंदणीसाठी येताना सोबत ऑनलाईन पीकपेरा नोंद असलेला सात/बारा, आधार कार्ड झेरॉक्स व आधार लिंक असलेल्या बँक पासबूकची झेरॉक्स प्रत सोबत आणावी, असे आवाहन जिल्हा मार्केटिंग अधिकारी रामप्रसाद दांड यांनी केले आहे.
या ठिकाणी होईल नोंदणी
नांदेड तालुक्यात नांदेड जिल्हा फळे व भाजीपाला सहकारी संस्था, कृषी उत्पन्न बाजार समिती संगणक विभाग नवामोंढा नांदेड, मुखेड- मुखेड तालुका खरेदी विक्री संघ संस्था, तालुका खरेदी विक्री संघ मुखेड यांचे कार्यालय. देगलूर- पूर्वारेश्वर अॅग्रो प्रोड्यूस कं. लि. करडखेड संस्था, आर्य समाज मंदिर रोड जुनी तहसील जवळ देगलूर. भोकर तालुका खरेदी विक्री संघ संस्था, खरेदी विक्री संघ कार्यालय भोकर. नायगाव- कृषी उत्पन्न बाजार समिती नायगाव संस्था, कृषी उत्पन्न बाजार समिती नायगाव कार्यालय. किनवट-तालुक्यात कृषी उत्पन्न बाजार समिती किनवट, कृषी उत्पन्न बाजार समिती किनवट कार्यालय.
