मुंबई - शहरात कोरोनाचा प्रादुर्भाव वाढत असल्याने लॉकडॉऊन अधिक कडक करण्यात आला आहे. मात्र, काही लोक विनाकारण दुचाकी व रिक्षा घेऊन भटकत असल्याचे दिसून येत असल्याने पवई पोलिसांनी आज आयआयटी मेन गेटसमोर अशा लोकांना अडवून थेट उठाबशा काढायला लावत चांगलीच अद्दल घडविली. पवईत लॉकडॉऊन काळात विनाकारण रस्त्यावर फिरणाऱ्या लोकांना उठाबशा काढण्याची शिक्षा दिली जात आहे.
पवई येथील विक्रोळी जोगेश्वरी लिंक रोड वरून ठाणे, मुंलुंड, नवी मुंबई व अंधेरी, गोरेगाव जाणाऱ्या लोकांना आज पवई पोलिसांनी आयआयटी मेन गेटसमोर अडवून चौकशी केली व अनावश्यक फिरणाऱ्या लोकांना रस्त्यावर उठाबशा काढण्यास लावले तर मोटारसायकल व रिक्षांच्या टायरमधील हवा सोडून देत कारवाई करीत चांगलेच खडसावले.
