जागतिक योग दिन; योगासन आणि प्राणायामामुळे फुफ्फुसांची क्रियाशक्ती वाढते..

प्राणायाम केल्याने अधिक ऑक्सिजन फुफ्फुसांपर्यंत पोहोचतो. तसेच आपल्या फुफ्फुसांमध्ये द्राक्षांच्या घडा प्रमाणे कोशिका असतात त्या प्राणायामामुळे मोकळ्या होतात. दीर्घ श्वास घेतल्याने ऑक्सिजन फुफ्फुसांपर्यंत अधिक पोचतो फुप्फुसांमध्ये असणाऱ्या कोशिका मोकळ्या होतात आणि याचा फायदा आपल्या आरोग्याला होतो.

मुंबई- 21 जून हा दिवस संपूर्ण जगामध्ये आंतरराष्ट्रीय योग दिवस म्हणून साजरा केला जातो. भारताने जगाला योग दिला. योगासने केल्याने आरोग्य उत्तम राहते. मानसिक ताणतणावामुळे होणारे रोग योगासने केल्यामुळे होत नाहीत. योगासनामध्ये प्राणायाम हा उत्तम श्वसनाचा व्यायाम आहे. प्राणायामामुळे आपल्या फुफ्फुसांची क्रियाशक्ती वाढते. कोरोनाच्या काळात योगासनांचा फायदा होतोय. प्राणायाम हा सारखा श्वसनाचा व्यायाम केल्यानंतर फुफ्फुसं उत्तम होतात. कोरोना विरोधात लढण्यासाठी प्राणायम एक उत्तम योगासन असल्याचे योग प्रशिक्षक राखी शेळके यांनी सांगितले.

कोरोना विरोधात लढण्यासाठी प्राणायाम एक उत्तम योगासन