'ऊर्जा मंत्री नितीन राऊतांच्या इच्छेला महाविकास आघाडीतील दोन पक्षांनी किंमत दिली नाही'

कोरोना लॉकडाऊनच्या काळात घरोघरी जाऊन विद्युत मीटरचे रिडींग जमा करणे महावितरणला शक्य झाले नाही. त्यामुळे ग्राहकांना अंदाजे विजबीले देण्यात आली. मात्र, काही ग्राहकांना वापरापेक्षा जास्त बीले मिळाली. या प्रश्नावरून राज्यात मोठ्या प्रमाणात राजकारण झाले.

नवी मुंबई - वाढीव वीजबिल माफ करावीत, असे ऊर्जामंत्री नितीन राऊत यांच्या मनात होते. त्यांनी तसे बोलुनही दाखवले होते. मात्र, महाविकास आघाडीतील दुसऱया दोन पक्षांनी राऊत यांच्या इच्छेला किंमत दिली नाही, असे वक्तव्य भाजपा नेते आमदार गणेश नाईक यांनी केले. राज्यात नागरिकांना महावितरण विभागाकडून आलेली अवाजवी वीजबिले कमी करावी, अशी भूमिका भाजपा नेते गणेश नाईक यांनी घेतली आहे. वीजबिलासाठी झालेल्या अनेक आंदोलनांमध्ये ते सहभागीही झाले होते. त्यांनी पुन्हा वीज बिलांचा मुद्दा चर्चेत आणला आहे.