नवी दिल्ली - गायक गुरु रंधवा याने प्रेक्षकांपासून सुरक्षित अंतर राखत सुमारे तीन महिन्यानंतर जबरदस्त परफॉर्मन्स दिला. कोव्हिड-१९ चा मुकाबला करणासाठी गेल्या तीन महिन्यापासून सर्व शो बंद ठेवण्यात आले होते. आता परिस्थिती हळूहळू सुधारत असताना गुरू रंधवा यांनी खासगी कार्यक्रम सादर केला.
"मी जवळजवळ तीन महिन्यांनंतर सादर केले आणि हा एक चांगला अनुभव होता. प्रेक्षक मर्यादित असले तरी ते खूपच मनोरंजक होते. आम्ही नेहमी सादर करत असलेली गाणी गायली आणि लोकांनी उत्तम प्रतिसाद दिला'', असे गुरू यांनी सांगितले.
"खबरदारी घेण्याच्या दृष्टीकोनातून मी आणि माझ्या टीमने नियमांचे काटोकोर पालन केले. मी हात मोजे घातले होते आणि टीम मेंबर्सनी मुखवटे घातले होते. आम्ही सोशल डिस्टन्सिंग राखत आणि कमीत कमी संपर्क ठेवून कार्यक्रम सादर केला, असेही तो म्हणाला.
त्याच्यासोबत नेहमीपेक्षा कमी स्टाफचे सदस्य होते. केवळ मॅनेजर आणि बँडच्या सदस्याच्या मदतीने त्याने गाणे सादर केले. असे कार्यक्रम करणे सुरक्षित आहे, असे त्याला वाटते.
''ही वेळ जास्तीत जास्त सुरक्षा राखण्याची आहे. सरकारच्या सर्व नियमांचे पालन होणे आवश्यक आहे. याप्रकारे आपण खासगी लाईव्ह शो करु शकतो'', असे गुरूने सांगितले.
हेही वाचा - 'टिक टॉक' बॅनवर नुसरत जहाँ म्हणाल्या, बेरोजगारीचे काय?
नजीकच्या काळात तो आणखी खासगी कार्यक्रम करणार आहे का, असे विचारले असता गुरु म्हणाला: "जर आपण भारतीय कलाकार आणि त्यांच्या कमाईबद्दल बोललो तर ते मुख्यत्वे थेट कार्यक्रमांवर अवलंबून असते. म्हणून मी थेट कार्यक्रम सुरू केले आहेत आणि मला आशा आहे, की इतर कलाकार संधी मिळाल्यास ते देखील करतील कारण हाच पुढे एक मार्ग आहे. "
