अभिनेत्री काजल अग्रवालने दाक्षिणात्य सिनेसृष्टीसोबतच हिंदीमध्येही आपल्या अभिनयाने प्रेक्षकांची मने जिंकली आहेत. तिने अलिकडेच ताजमहालाला भेट दिली. यावेळी तिलाही ताजमहालच्या सौंदर्याची भूरळ पडली. तिचे बरेच फोटो सोशल मीडियावर व्हायरल झाले आहेत.
काजलने तिच्या वडिलांसोबत ताजमहालला भेट दिली. येथे तिने दिड तास मनमुराद आनंद लूटला. तिच्या आगामी चित्रपटाच्या शूटिंगसाठी ती येथे आली होती, अशाही चर्चा समोर आल्या आहेत. मात्र, अद्याप तिने तिच्या कोणत्याही आगामी चित्रपटाची घोषणा केली नाही.