मुंबई - बॉलिवूडमधील बहुतेक चित्रपटांत लव्हस्टोरी आणि प्रेमाचा त्रिकोण प्रेक्षकांना पाहायला मिळतो. अभिनेत्रीच्या प्रेमात आकांठ बुडालेला नायक आणि तिच्या सुखासाठी काहीही करण्यास तयार असणारा प्रियकर या बॉलिवूडच्या नेहमीच्या कथेला छेद देणारा 'हमे तुमसे प्यार कितना' चित्रपट लवकरच प्रेक्षकांच्या भेटीला येत आहे.
टीव्ही अभिनेता करणवीर बोहरा या चित्रपटात मुख्य भूमिकेत झळकणार आहे. तर अभिनेत्री प्रिया बॅनर्जी मुख्य अभिनेत्रीच्या भूमिकेत दिसणार आहे. 'मेरी वो आशिकी नहीं, जिसे सिर्फ तुझे पाना हैं...मेरी मोहाब्बत की मंजिल तो हर हाल मे तुझे पाना हैं'..असं कॅप्शन देत चित्रपट व्यापार विश्लेषक कोमल नाहटा यांनी हा व्हिडिओ शेअर केला आहे.
समोरच्याचा जराही विचार न करता त्याला आपलं बनवण्याची करणवीरची हिंसक जिद्द या टीझरमध्ये पाहायला मिळते. तर बॅकग्राऊंडला हमे तुमसे प्यार कितना हे गाणं ऐकायला मिळतं. या चित्रपटात करण आणि प्रियाशिवाय समीर कोच्चर आणि महेश बलराज यांच्याही महत्त्वाच्या भूमिका आहेत. २८ जूनला हा चित्रपट प्रदर्शित होणार आहे,.
