मुंबई - ज्येष्ठ अभिनेता अनुपम खेर ( Anupam Kher ) यांनी सोमवारी सांगितले की, त्यांच्या आगामी 'द सिग्नेचर' ( The Signature ) चित्रपटाचे चित्रीकरण पूर्ण झाले आहे. चित्रपटाचे शूट पूर्ण झाल्याची घोषणा व चित्रपटातील फर्स्ट लूक अनुपम यांनी इन्स्टाग्रामवर शेअर केला आहे.
"फर्स्ट लूक पोस्टर: के. सी. बोकाडिया निर्मित आणि राष्ट्रीय पुरस्कार विजेते दिग्दर्शक गजेंद्र अहिरे दिग्दर्शित 'द सिग्नेचर' चित्रपटाचे शूटिंग आम्ही पूर्ण केले आहे हे सांगताना आनंद होत आहे. चित्रपटाची सह-निर्मिती अनुपम खेर स्टुडिओ महिमा चौधरी, रणवीर शौरी द्वारे केली आहे,'' असे 67 वर्षीय अनुपम खेर यांनी पोस्टला कॅप्शन दिले आहे.
