ठाणे - प्लास्टीक बंदी कारवाई अंतर्गत 2019-20 अर्थिक वर्षात ठाणे महानगरपालिकेने केलेल्या कारवाईमध्ये 888 किलो प्लास्टिक जप्त करण्यात आले आहे. महापालिकेने दंडापोटी १ लाख ३५ हजार रूपये दंड वसूल केला आहे.
महाराष्ट्र सरकारने प्लास्टीक व थर्माकोल या अविघटनशील वस्तुंची ( उत्पादन , वापर, विक्री, वाहतुक, हाताळणी, साठवणूक) याबाबत अधिसूचना प्रसिध्द करण्यात आल्या आहेत. या अधिसूचनांच्या अंमलबजावणीकरता ठाणे महानगरपालिका कार्यक्षेत्रात प्रतिबंधीत प्लास्टीक व थर्माकोल वस्तुंचे उत्पादन, वापर, विक्री, वाहतूक, हाताळणी, साठवणूक करणाऱ्या संस्था, आस्थापनांवर कारवाई करण्यात येत आहे.
हेही वाचा - वरळी विधानसभेतून आदित्य ठाकरे लढवणार निवडणूक, अनिल परब यांचे सुचक वक्तव्य
प्रदूषण नियंत्रण मंडळाच्यावतीने सन 2019-20 या आर्थिक वर्षात नागरिकांकडून एकूण 15,548 किलो प्लस्टिक व थर्माकोल वाहनाद्वारे संकलन करण्यात आले. 5049 किलो प्लस्टिक व थर्माकोल आस्थापनाधारकांकडून जप्त करण्यात आले, असून दंडापोटी रु.9,40,200 एवढी रक्कम वसूल करण्यात आली. सन २०१९-२० या आर्थिक वर्षात आजपर्यंत आस्थापनांवर करण्यात आलेल्या कारवाईमधून 800 किलो प्लास्टिक व थर्माकोल जप्त करण्यात आले असून दंडापोटी रु.1,35,000 एवढी रक्कम वसूल करण्यात आली आहे.
![Under plastic ban action Thane municipality collected fine of Rs 1.35000](https://etvbharatimages.akamaized.net/etvbharat/prod-images/attachedpics_30082019190753_3008f_1567172273_939.jpeg)
प्लास्टीकप्रमाणे थर्माकोलपासून बनविण्यात येणारी ताटे, वाट्या, कप, ग्लास यांच्या वापराचे प्रमाणही जास्त आहे. या सर्व वस्तू विघटन न होणाऱ्या असून पर्यावरणास हानीकारक आहेत. या वस्तुची विक्री आणि वापर दोन्ही बेकायदा आहे. त्याचा वापर करताना पहिल्यांदा आढळल्यास रु.5000 दंड, दुसऱ्यांदा आढळल्यास रु.10,000 दंड आणि तिसऱ्यांदा आढळल्यास रु. 25000 व 3 महिने कारावासाच्या शिक्षेची तरतूद आहे.
हेही वाचा - वेध विधानसभेचे : जळगाव शहर मतदारसंघ; युतीच्या तहात जागा भाजपला की सेनेला...मतदारांमध्ये उत्सुकता
गणेशोत्सव व नवरात्रोत्सवाच्या पार्श्वभूमीवर नागरिकांद्वारे विविध सार्वजनिक मंडळाद्वारे सजावटीचे सादरीकरण करण्यात येत असते. महाराष्ट्र शासनाने लागू केलेल्या प्लास्टीक व थर्माकोल बंदीची अंमलबजावणी ठाणे शहरात होण्याकरता नागरिक, सार्वजनिक मंडळे तसेच व्यापाऱ्यांनी महापालिकेला सहकार्य करावे. पर्यावरणस्नेही उत्सव साजरे करुन सजावटीकरता जास्तीत जास्त पर्यावरणपूरक वस्तुंचा वापर करावा. प्लास्टीक व थर्माकोल बंदीची काटेकोर अंमलबजावणी करून ठाणे शहर स्वच्छ राखण्याकरता सहकार्य करावे असे आवाहन करण्यात आले आहे.