पुणे - शहरातील विमाननगर भागातील बेकर्स कंपनीला आज (शुक्रवारी) सकाळी आग लागली. घटनेची माहिती मिळताच अग्निशमनच्या २ गाड्या घटनास्थळी दाखल झाल्या आहेत. या घटनेत जीवितहानी झालेली नाही. मात्र, मोठ्या प्रमाणावर मालमत्तेचे नुकसान झाले आहे.
बेकर्स कंपनीला लागलेली आग
हेही वाचा - आता सर्वच आपत्तीमध्ये काम करणार अत्याधुनिक अग्निशमन बंब
बेकर्स कंपनीत जॉब प्लेट्स बनवण्याचे काम केले जाते. त्यातील प्रोडक्शन विभागात आज ही आग लागली. ही घटना घडल्यानंतर अग्निशमन दलाला पाचारण करण्यात आले आहे. सध्या आगीवर नियंत्रण मिळवण्यासाठी अग्निशमन दलाचे पथक युद्ध पातळीवर प्रयत्न करत असून कुलिंगचे काम सुरू आहे. दरम्यान, आग कशामुळे लागली याबाबतची माहिती अद्याप समोर आलेली नाही.
