नागपूर - लिव्ह ईन रिलेशनशिप मध्ये राहून लग्नास नकार देणाऱ्या प्रियकराविरोधात प्रेयसीने लैंगिक शोषणाची तक्रार दाखल केली आहे. नागपूरच्या जरीपटका पोलीस ठाण्याअंतर्गत हा गुन्हा नोंदवण्यात आला आहे. रियांश राजपूत ( वय-२३) हा २५ वर्षीय मुलीसोबत लिव्ह ईन रिलेशनशिपमध्ये राहत होता.
मिळालेल्या माहितीनुसार रियांश हा कोरडीच्या खासगी कंपनीत नोकरी करत होता. आणि मुलगी ही नर्सिंगचं प्रशिक्षण घेत होती. रियांश आणि तरुणीची मैत्री झाली. मैत्रीचं रूपांतर प्रेमात झालं. तरुणी ही रियांशहून २ वर्षांनी मोठी आहे. तिने रियांशला लिव्ह ईनमध्ये राहण्याची विनंती केली. दोघेही २०१५ पासून एकत्र राहत होते. गेल्या ४ वर्षा पासून पती-पत्नी सारखे राहत असल्याने तरुणीने रियांशला लग्नाची मागणी घातली. मात्र त्याने नकार दिल्यानं प्रेयसीने त्याच्या विरोधात लैंगिक शोषणाची तक्रार दाखल केली आहे. पोलिसांनी रियांश विरोधात गुन्हा दाखल केला असून पुढील तपास सुरू आहे.
