मुंबई - माटुंगा रोड परिसरातील बिग बाजार शॉपींग मॉलला भीषण आग लागली. ही आग विझवण्यासाठी अग्निशामक दलाच्या गाड्या घटनास्थळी दाखल झाल्या आहेत. बिग बाजार आज बंद असल्यामुळे आत कुणीही अडकले नसल्याची माहिती मिळत आहे.
मुंबईत बिग बाजारला भीषण आग
आज मुंबईत लोकसभा निवडणुकीच्या चौथ्या टप्प्यासाठी मतदान होत आहे. त्यानिमित्त बिग बाजार बंद होते. सुमारे साडेचार वाजता या बिग बाजारला आग लागली. ही आग लेवल-२ ची असल्याची माहिती अग्निशामक दलाच्या अधिकाऱ्यांनी दिली. मॉलच्या शेजारी वसाहती आहेत. तिथे अनेक कुटुंब राहतात. तेथील नागरिकांना पहिल्यांदा आग लागल्याचे लक्षात आले. याची माहिती त्यांनी अग्निशामक दलाला कळवली होती. आज सुट्टी असल्याने मॉलमध्ये कुणीही नव्हते. त्यामुळे मोठी दुर्घटना टळली.
