मुंबई - मुंबईत कोरोनाचा प्रसार रोखण्यासाठी 16 जानेवारीपासून कोरोना लसीकरणाला सुरुवात झाली. सध्या मुंबईत लसीकरणाला मोठ्या प्रमाणात प्रतिसाद मिळत आहे. मात्र लसीचा सातत्याने तुटवडा जाणवत असल्याने अनेक केंद्र बंद करण्यात आली आहेत. त्यातच मुंबईत लॉकडाऊनही आहे. तरीही शनिवारी 37 हजार 489 लाभार्थ्यांचे लसीकरण करण्यात आले. लसीचा साठा कमी असल्याने रविवारी मात्र लसीकरण मोहीम ठप्प होण्याची शक्यता आहे.
लसीकरणाची आकडेवारी -
मुंबईत शनिवारी 37 हजार 489 हजार लाभार्थ्यांना लस देण्यात आली. त्यात 18 हजार 846 लाभार्थ्यांना पहिला तर 18 हजार 643 लाभार्थ्यांना दुसरा डोस देण्यात आला. आतापर्यंत एकूण 22 लाख 13 हजार 864 लाभार्थ्यांना लस देण्यात आली, त्यात 18 लाख 57 हजार 439 लाभार्थ्यांना पहिला तर 3 लाख 56 हजार 425 लाभार्थ्यांना दुसरा डोस देण्यात आला.
आतापर्यंत एकूण 2 लाख 74 हजार 618 आरोग्य कर्मचारी, 3 लाख 13 हजार 785 फ्रंटलाईन वर्कर, 8 लाख 61 हजार 383 जेष्ठ नागरिक तर 45 ते 59 वर्षामधील गंभीर आजार असलेल्या 7 लाख 64 हजार 078 लाभार्थ्यांना लस देण्यात आली.