चेन्नई - स्टेन गन नावाने प्रसिध्द असलेला दक्षिण आफ्रिकेचा वेगवान गोलंदाज यंदाच्या आयपीलमध्ये आरसीबीच्या संघाकडून खेळत आहे. त्याने आतापर्यंत केवळ केकेआर आणि चेन्नईच्या संघाविरुद्ध २ सामने खेळला आहे. त्या दोन्ही सामन्यात त्याने प्रत्येकी २ गडी बाद करत धमाकेदार पुनरागमन केले आहेत. आरसीबीच्या विजयानंतर डेल स्टेन आणि विराट कोहलीचा १० वर्षापूर्वीचा फोटो सोशल मीडियावार व्हायरल झाला आहे. या फोटोत २१ वर्षीय कोहली डेल स्टेन सोबत आनंद व्यक्त करताना दिसून येत आहे.
स्टेनने रविवारी चेन्नई विरुद्ध झालेल्या सामन्यात पहिल्याच षटकात शेन वॉटसन आणि सुरेश रैना यांना बाद करत आरसीबीच्या विजयात महत्वाचा वाटा उचलला.