श्रीनगर (जम्मू-कश्मीर)- दक्षिण काश्मीरमधील पहलगाम जिल्ह्यात एक मोठी दुर्घटना घडली आहे. वृत्तानुसार, मुसळधार पावसामुळे दोन मार्गदर्शकांसह 14 पर्यटक बेपत्ता झाले आहेत. हे सर्वजण तारसर-मारसर तलावाजवळ अडकल्याची माहिती आहे. त्यांना वाचवण्यासाठी पहलगाम येथून बचाव पथके रवाना करण्यात आली आहेत.
11 पर्यटकांची टीम तारसर मारसर परिसरात पर्यटन आणि ट्रेकिंगसाठी गेली होती, असे सांगण्यात येते. मात्र, परिसरात मुसळधार पावसामुळे पर्यटकांशी संपर्क होत नाही. पर्यटक बेपत्ता झाल्याची माहिती मिळताच जिल्हा प्रशासनाने बचाव पथक घटनास्थळी पाठवले असून बचावकार्य सुरू करण्यात आले आहे. अहवालात म्हटले आहे की किमान एक स्थानिक पर्यटक मार्गदर्शक वाहून गेला आहे, तर 11 पर्यटक आणि इतर दोन मार्गदर्शक खराब हवामानात अडकले आहेत.
तरसर आणि मारसर हे दोन तलाव आहेत, ज्यावर ट्रेकिंगनेच पोहोचता येते. ते त्राल, पहलगाम आणि श्रीनगर दरम्यान दक्षिण काश्मीरच्या उंचीच्या प्रदेशात आहेत. पवित्र अमरनाथ गुहा ज्या मार्गावर आहे त्याच मार्गावर हा भाग येतो.
हेही वाचा - मुख्यमंत्र्यांचे बंडखोरांना भावनिक आवाहन; वाचा, संवादातील पाच महत्त्वाचे मुद्दे
