नवी दिल्ली - उत्तराखंडचे नवनिर्वाचित मुख्यमंत्री तीरथ सिंह रावत यांना फाटलेल्या जीन्सवरील विधान त्यांना चांगलंच भोवलं आहे. त्यांच्यावर चौफेर टीका होत आहे. यातच तिरथ सिंह यांचा पुन्हा एक वादग्रस्त व्हिडिओ समोर आला आहे. आपल्या कॉलेज काळातील एक आठवण सांगताना महिलांनी शॉटर्स घालण्यासंदर्भात त्यांनी विधान केलंय. या विधानामुळे ते पुन्हा टीकचे धनी होऊ शकतात.
तिरथ सिंह यांनी बाल हक्क संरक्षण आयोगाच्या एका कार्यक्रमात बोलताना फाटक्या जीन्सवर वक्तव्य केले होते. त्याच कार्यक्रमात त्यांनी आपल्या कॉलेज काळातील एक प्रसंग सांगितला. त्याचा एक व्हिडिओ समोर आला आहे.
श्रीनगर विद्यापीठात शिक्षण घेण्यासाठी चंदीगढमधून एक मुलगी आली होती. ती हाफ कट ड्रेस (half cut dress) घालायची. तेव्हा पूर्ण विद्यापीठातील मुले तीच्या मागे-पुढे फिरायची आणि तीची खिल्ली उडवायची. विद्यापीठात शिक्षण घेण्यासाठी येता, की अंगप्रदर्शन करण्यासाठी, काय होणार या देशाचे, असे त्यांनी म्हटलं.