नवी दिल्ली - पंतप्रधान नरेंद्र मोदी यांच्या प्रमुख उपस्थितीत भारतीय तंत्रज्ञान संस्था (आयआयटी) दिल्लीचा आज दीक्षांत समारंभ झाला. पंतप्रधान मोदींनी आयआयटीच्या विद्यार्थ्यांना संबोधित केले. यावेळी त्यांनी आत्मनिर्भर भारतावरावर भाष्य केले. यापूर्वी मला आयआयटी मद्रास, आयआयटी बॉम्बे, आयआयटी गुवाहाटीच्या दीक्षांत समारंभाला संबोधित करण्याची संधी मिळाली होती. प्रत्येक ठिकाणी मला नवनिर्मिती दिसून आली आहे, असे मोदी म्हणाले.
- " class="align-text-top noRightClick twitterSection" data="">
मोदींच्या भाषणातील मुद्दे -
- देशातील युवकांना व्यवसाय करण्यात सुलभता निर्माण करून देण्यासाठी सरकार कटीबद्ध आहे.
- आपल्या नवविचारांद्वारे तरुण देशवासीयांच्या जीवनात बदल घडवतील.
- जागतिकीकरण महत्त्वपूर्ण आहेच. मात्र, त्यासोबत आत्मनिर्भर होणेही गरजेचे आहे.
- आज देश प्रत्येक क्षेत्रात नवनिर्मिती करण्यासाठी प्रयत्न करत असून विविध पर्यायांचा अवलंब करत आहे.
- टेक्नॉलॉजिची गरज आणि त्याप्रती भारतीयांची आस्था, हीच आपल्याला भविष्यातील प्रकाश दाखवते.
- देशात अनेक संधी आणि आव्हाने आहेत. ज्याचे समाधान तुम्ही देऊ शकता.
तुमच्याकडे गुणवत्ता आहे. तुम्ही सर्वांत कठीण जेईई परीक्षा पास केली असून आयआयटीमध्ये प्रवेश मिळवला आहे.
- तुमची क्षमता वाढवण्यासाठी दोन गोष्टी गरजेच्या आहेत. एक म्हणजे फ्लेक्सिबिलिटी (लवचिकपणा) आणि दुसरी नम्रता.
- आपल्या यशाचा पूर्ण-अभिमान असणे आवश्यक आहे. कारण, आपल्याकडे जे काही आहे ते फारच कमी लोक करू शकतात.
- स्वत:ला आव्हाने देत राहा आणि सतत शिकत राहा. आपल्या सर्व काही माहीत आहे, असा विचार कधीच करू नका.
- आयुष्यभर विद्यार्थ्यांच्या भूमिकेत राहणे महत्त्वाचे आहे.
