വയനാട്: ജില്ലയില്‍ 25 പേര്‍ക്ക് കൂടി കൊവിഡ് സ്ഥിരീകരിച്ചു. ഒരു ആരോഗ്യ പ്രവര്‍ത്തക ഉള്‍പ്പെടെ 23 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 52 പേർക്ക് രോഗം ഭേദമായി. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 1296 ആയി. ഇതുവരെ 1004 പേര്‍ക്ക് രോഗം ഭേദമായി. 285 പേരാണ് നിലവിൽ ചികിത്സയിൽ ഉള്ളത്.
പുതിയതായി രോഗം സ്ഥിരീകരിച്ചവര്‍ ഓഗസ്റ്റ് ആറിന് ഷാര്‍ജയില്‍ നിന്ന് വന്ന വെങ്ങപ്പള്ളി സ്വദേശി (50), ഇതര സംസ്ഥാനത്ത് നിന്ന് എത്തിയ ലോറി ഡ്രൈവറയ ചെതലയം മണിച്ചിറ സ്വദേശി (51), മലപ്പുറം ജില്ലയില്‍ ജോലി ചെയ്യുന്ന വെള്ളമുണ്ട സ്വദേശിനിയായ ആരോഗ്യപ്രവര്‍ത്തക (32), പുത്തന്‍കുന്ന് സ്വദേശി (46), ബേഗൂര്‍ സമ്പര്‍ക്കത്തിലുള്ള കാട്ടിക്കുളം സ്വദേശിനി (47), രണ്ട് എടവക സ്വദേശികള്‍ (പുരുഷന്‍-32, സ്ത്രീ- 50), ചീരാല്‍ ആരോഗ്യ പ്രവര്‍ത്തകയുടെ സമ്പര്‍ക്കത്തിലുള്ള രണ്ട് ബത്തേരി സ്വദേശികള്‍ (പുരുഷന്‍-69, സ്ത്രീ-45), മേപ്പാടി സമ്പര്‍ക്കത്തിലുള്ള അട്ടമല സ്വദേശി (62), കല്‍പ്പറ്റ മഞ്ഞളംകൊല്ലി സ്വദേശി (47), പരിയാരം സ്വദേശി (35), അഞ്ച് കോണാര്‍കാട് സ്വദേശികള്‍ (പുരുഷന്മാര്‍- 32, 55, സ്ത്രീകള്‍- 44, 15, കുട്ടി- 3), പടിഞ്ഞാറത്തറ സമ്പര്‍ക്കത്തിലുള്ള മൂന്ന് മുണ്ടക്കുറ്റി സ്വദേശികള്‍ (പുരുഷന്‍-42, സ്ത്രീ- 24, കുട്ടി- 4), മെഡിക്കല്‍ കോളജില്‍നിന്ന് തിരികെ എത്തിയ ആളുടെ സമ്പര്‍ക്കത്തിലുള്ള പാക്കം സ്വദേശിനി (60), ലോറി ഡ്രൈവറുടെ സമ്പര്‍ക്കത്തിലുള്ള ചീരാല്‍ സ്വദേശികള്‍ (പുരുഷന്‍- 39, സ്ത്രീ- 60), മലപ്പുറം സമ്പര്‍ക്കത്തിലുള്ള കുപ്പാടിത്തറ സ്വദേശി (42), കണ്ണൂര്‍ സമ്പര്‍ക്കത്തിലുളള നെന്മേനി മാക്കുറ്റി സ്വദേശി (45) എന്നിവരാണ്.
