കോഴിക്കോട്: മനുഷ്യ- ജീവജാല പ്രശ്നങ്ങളെ ക്യാന്‍വാസില്‍ പകര്‍ത്തി വി. മോഹന്‍റെ രേഖാചിത്ര പ്രദര്‍ശനം. ലളിത കലാ അക്കാദമി ആർട്ട് ഗ്യാലറിയിൽ പ്രദര്‍ശനം നടക്കുന്നത്. പല സമയങ്ങളിലായി വരച്ച നാലായിരത്തോളം ചിത്രങ്ങളില്‍ നിന്ന് തെരഞ്ഞെടുത്ത 456 ചിത്രങ്ങളാണ് പ്രദർശനത്തിലുള്ളത്.
പ്രകൃതി ഭാവങ്ങള്‍ ക്യാന്‍വാസിലാക്കി രേഖാചിത്ര പ്രദര്‍ശനം
മനുഷ്യരുടെ പ്രവൃത്തികള്‍ മൂലമുണ്ടാകുന്ന വിപത്തുകളും പ്രകൃതിയുടെ വിവിധ ഭാവങ്ങളുമാണ് ചിത്രങ്ങളിലുള്ളത്. വിവിധ പ്രശ്നങ്ങള്‍ മനസിനെ അലട്ടുന്നതിന്‍റെ ഉള്ളടക്കമാണ് തന്‍റെ സൃഷ്ടിയെന്ന് മോഹന്‍ പറഞ്ഞു. 'ആയിരിക്കൽ' എന്നാണ് പ്രദര്‍ശനത്തിന്‍റെ പേര്. രാവിലെ 10 മണി മുതൽ വൈകുന്നേരം 7 വരെയാണ് ചിത്രപ്രദർശനം. 20ന് പ്രദർശനം സമാപിക്കും.
