ന്യൂഡല്‍ഹി: ലോക ചാമ്പ്യന്‍ഷിപ്പ് വെങ്കല മെഡല്‍ ജേതാവ് ലക്ഷ്യ സെന്‍ ഇന്ത്യന്‍ ഓപ്പണ്‍ ബാഡ്‌മിന്‍റണ്‍ ചാമ്പ്യന്‍ഷിപ്പിന്‍റെ ഫൈനലില്‍. സെമിയില്‍ മലേഷ്യയുടെ തേ യോങ്ങിനെതിരെ പിന്നില്‍ നിന്നും പൊരുതിക്കയറിയാണ് ഇന്ത്യ ഫൈനലുറപ്പിച്ചത്.
ലോക 60ാം നമ്പര്‍ താരമായ യോങ്ങിനെതിരെ ആദ്യ സെറ്റ് കൈമോശം വന്ന സെന്‍, തുടര്‍ച്ചയായ രണ്ട് സെറ്റുകള്‍ നേടിയാണ് ജയം പിടിച്ചത്. സ്കോര്‍: 19-2, 21-16, 21-12. വേള്‍ഡ് ടൂര്‍ സൂപ്പര്‍ 500 സീരീസില്‍ സെന്നിന്‍റെ ആദ്യ ഫൈനല്‍ പ്രവേശനം കൂടിയാണിത്.
also read: പെങ്ങിന് എന്ത് സംഭവിച്ചുവെന്ന സത്യം അറിയാന്‍ പോകുന്നില്ലെന്ന് മുഗുരുസ
സിംഗപ്പുരിന്‍റെ ലോക ചാമ്പ്യന്‍ ലോ കീന്‍ യുവിനെയാണ് ലോക 17ാം റാങ്കുകാരനായ സെന്‍ ഫൈനലില്‍ നേരിടുക. സെമിയില്‍ എതിരാളിയായിരുന്ന കാനഡയുടെ ബ്രയാന്‍ യാങ് കൊവിഡ് ബാധിതനായതോടെ വാക്കോവര്‍ നേടിയാണ് ലോ കീന്‍ ഫൈനലിലെത്തിയത്.
