സീസണിലെ തങ്ങളുടെ ആദ്യമത്സരത്തിൽ ചെന്നൈ സൂപ്പർ കിങ്സിനെ 16 റൺസിനു കീഴടക്കി രാജസ്ഥാൻ റോയൽസ്. 217 റൺസ് പിന്തുടർന്ന ചെന്നയുടെ ബാറ്റിംങ് 20 ഓവറിൽ ആറ് വിക്കറ്റ് നഷ്ടത്തിൽ 200 റൺസോടെ അവസാനിച്ചു. ഫാഫ് ഡുപ്ലെസിയും ഷെയ്ൻ വാട്സനും ചെന്നൈക്കായി പൊരിതിയെങ്കിലും ഭലം കണ്ടില്ല. നാല് ഓവറിൽ മൂന്ന് വിക്കറ്റെടുത്ത രാജസ്ഥാൻ റോയൽസിലെ രാഹുൽ ടെവാട്ടിയയുടെ ബൗളിങ് രാജസ്ഥാന് വമികച്ച വിജയം കൈവരിക്കാൻ സഹായിച്ചു.
മുരളി വിജയ് (21 പന്തിൽ 21), സാം കറൻ (6 പന്തിൽ 17), ഋതുരാജ് ഗെയ്ക്‌വാദ് (പൂജ്യം), കേദാർ ജാദവ് (16 പന്തിൽ 22), എം.എസ്.ധോണി( 17 പന്തിൽ പുറത്താകാതെ 29), രവീന്ദ്ര ജഡേജ (2 പന്തിൽ പുറത്താകാതെ 1) എന്നിങ്ങനെയാണ് മറ്റു ചെന്നൈ ബാറ്റ്സ്മാന്മാരുടെ സ്കോറുകൾ.
രാജസ്ഥാന്‍റെ ഇന്നിങ്സിൽ 32 പന്തിൽ 74 റൺസ് നേടിയ സഞ്ജു സാംസൺ, 47 പന്തിൽ 69 റൺസ് കരസ്ഥമാക്കിയ സ്റ്റീവ് സ്മിത്ത് കൂടാതെ അവസാന ഓവറിൽ മികച്ച പ്രകടനം കാഴ്ചവെച്ച ജോഫ്ര ആർച്ച എന്നിവരുടെ കരുത്തിലാണ് രാജസ്ഥാൻ റോയൽസ് 20 ഓവറിൽ ഏഴ് വിക്കറ്റ് നഷ്ടത്തിൽ 216 റൺസ് കരസ്ഥമാക്കിയത്.
