ഇടുക്കി: രാജകുമാരിയിലെ കടയിൽ നിന്ന് അനധികൃതമായി സൂക്ഷിച്ചിരുന്ന നാല് ലിറ്റർ മദ്യം എക്സൈസ് സംഘം പിടികൂടി. കടുക്കാസിറ്റി താമരശ്ശേരി തോമസ് ജിജിയുടെ കടയിൽ നിന്നാണ് മദ്യം പിടികൂടിയത്. ഇയാൾ പിടികൊടുക്കാതെ ഓടി രക്ഷപെട്ടു.
ഉടുമ്പൻചോല എക്സൈസ് റേഞ്ച് ഓഫീസ് പ്രിവന്‍റീവ് ഓഫീസർ പി. എ സുരേഷ് ബാബുവിന്‍റെ നേതൃത്വത്തിൽ നടന്ന റെയ്‌ഡിലാണ് മദ്യം കണ്ടെത്തിയത്. പ്രിവന്‍റീവ് ഓഫീസർ ഡി. സതീഷ് കുമാർ, സിവിൽ എക്സൈസ് ഓഫീസർമാരായ പി. എം അമൽ, റ്റിൽസ് ജോസഫ്, റ്റിറ്റോമോൻ ചെറിയാൻ, വി. ജെ ജോഷി, വനിതാ സിവിൽ എക്സൈസ് ഓഫീസർ എൻ. എസ് സിന്ധു, ഡ്രൈവർ ബിലേഷ് തുടങ്ങിയവർ റെയ്‌ഡിൽ പങ്കെടുത്തു.
