ശ്രീനഗർ: ശ്രീനഗറിലെ ലസ്‌ജാന്‍ ബൈപാസിൽ സംശയാസ്പദമായി ബാഗ് കണ്ടെത്തിയത് പ്രദേശത്ത് പരിഭ്രാന്തി സൃഷ്ടിച്ചു. ഉടനെ തന്നെ ബോംബ് നിർമാർജന സ്ക്വാഡ് സ്ഥലത്തെത്തിയെങ്കിലും ബാഗ് ശൂന്യമായിരുന്നു. പ്രദേശത്ത് സംഘം തെരച്ചിൽ തുടരുകയാണ്. അതേസമയം ഷോപിയാനിലെ ഷിർമാൽ പ്രദേശത്ത് പൊലീസുമായുള്ള ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു.
Also read: മുതിർന്ന നക്‌സൽ നേതാവ് ഹരിഭൂഷൺ കൊവിഡ് ബാധിച്ച് മരിച്ചു
സജാദ് അഹമ്മദ് ഭട്ട് എന്നയാളാണ് കൊല്ലപ്പെട്ടത്. ഇയാൾ നിരവധി ഭീകരാക്രമണക്കേസുകളിൽ പങ്കാളിയായിരുന്നെന്ന് പൊലീസ് ഔദ്യോഗിക പ്രസ്താവനയിൽ അറിയിച്ചു. ഏറ്റുമുട്ടൽ നടന്ന പ്രദേശത്ത് നിന്ന് പിസ്റ്റോൾ, ഗ്രനേഡ്, ആയുധങ്ങൾ എന്നിവ കണ്ടെത്തി.
