ന്യൂഡൽഹി: രാജ്യത്ത് 30,773 പേര്‍ക്ക് കൂടി കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ മൊത്തം കൊവിഡ് ബാധിതരുടെ എണ്ണം 3,34,48,163 കടന്നു. 3,32,158 സജീവ കേസുകളാണ് നിലവില്‍ രാജ്യത്തുള്ളത്.
309 പേരാണ് രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് ബാധിച്ച് മരിച്ചത്. ഇതോടെ രാജ്യത്തെ മൊത്തം മരണസംഖ്യ 4,44,838 കടന്നു.
97.68 ആണ് രാജ്യത്തെ രോഗമുക്തി നിരക്ക്. 1.97 ആണ് പോസിറ്റിവിറ്റി നിരക്ക്. 15,59,895 ടെസ്റ്റുകളാണ് കഴിഞ്ഞ ദിവസം നടത്തിയത്.
രാജ്യത്ത് രോഗം ഭേദമായവരുടെ ആകെ എണ്ണം 3,26,71,167 ആയി. 80.43 കോടി ഡോസ് വാക്‌സിനാണ് രാജ്യത്ത് ഇതുവരെ നൽകിയിട്ടുള്ളത്.
