ലഖ്‌നൗ: ക്ലാസില്‍ പുകവലിക്കുന്ന വീഡിയോ സമൂഹ മാധ്യമങ്ങളില്‍ പ്രചരിച്ചതിനെ തുടര്‍ന്ന് അധ്യാപകന് സസ്‌പെന്‍ഷന്‍. ഉത്തര്‍പ്രദേശിലെ മഹ്‌മൂദാബാദിലാണ് സംഭവം. ജില്ലാ വിദ്യാഭ്യാസ ഓഫീസര്‍ അജയ് കുമാറാണ് പുകവലിച്ച അധ്യാപകനെതിരെ നടപടിയെടുത്തത്. വിദ്യാര്‍ഥികളില്‍ വളരെയധികം സ്വാധീനം ചെലുത്താന്‍ സാധിക്കുന്നവരാണ് അധ്യാപകരെന്നും കുട്ടികളുടെ മുന്നില്‍ വച്ച് ഇത്തരം പ്രവര്‍ത്തനങ്ങളില്‍ ഏര്‍പ്പെടാന്‍ പാടില്ലായിരുന്നുവെന്നും അജയ് കുമാര്‍ പറഞ്ഞു. വിദ്യാര്‍ഥികളുടെ മുന്നില്‍ വച്ച് അധ്യാപകന് ബീഡിക്ക് തീ കൊളുത്തുന്നതും പുകവലിക്കുന്നതുമായ ദൃശ്യങ്ങളായിരുന്നു സമൂഹമാധ്യമങ്ങളില്‍ പ്രചരിച്ചത്.
ക്ലാസില്‍ പുകവലിക്കുന്ന വീഡിയോ വൈറലായി; അധ്യാപകന് സസ്‌പെന്‍ഷന്‍
