ഗാന്ധിനഗർ: ഗുജറാത്തിലെ കച്ച് തീരത്ത് ഹരമി നല്ലയിൽ നിന്ന് രണ്ട് പാക് ബോട്ടുകൾ പിടിച്ചെടുത്തു. ബി.എസ്.എഫ് നടത്തിയ പരിശോധനയിലാണ് രണ്ട് മത്സ്യബന്ധന ബോട്ടുകൾ പിടിച്ചെടുത്തത്. സംശയാസ്പദമായി ഒന്നും കണ്ടെത്തിയിട്ടില്ലെന്നും നുഴഞ്ഞുകയറ്റ ശ്രമമല്ലെന്നുമാണ് റിപ്പോര്‍ട്ട്. കൂടുതൽ അന്വേഷണം നടത്തുമെന്നും അധികൃതർ അറിയിച്ചു
ഇന്ത്യ-പാക് അതിര്‍ത്തിയിലെ ഹരമി നല്ലയെന്ന സ്ഥലത്താണ് ബോട്ട് കണ്ടെത്തിയത്. പാക്കിസ്ഥാനില്‍ നിന്ന് വളരെ വേഗം ഇന്ത്യയിലെത്താനുള്ള ജലപാതയാണ് ഹരമി നല്ല. ഭൂപ്രകൃതിയിലെ പ്രത്യേകതകള്‍ കൊണ്ട് ഈ മേഖലയിലൂടെയുള്ള നുഴഞ്ഞുകയറ്റ ശ്രമങ്ങള്‍ തടയുകയെന്നത് സുരക്ഷാ സേനക്ക് കനത്ത വെല്ലുവിളിയാണ്
