ഉന്നാവോയില്‍ ട്രക്കുകള്‍ കൂട്ടിയിടിച്ച് രണ്ട് മരണം

ഡാനിഷ് (19), യമുന പ്രസാദ് (25) എന്നിവരാണ് മരിച്ചത്. ഇടിയുടെ ആഘാതത്തില്‍ ട്രക്ക് നദിയിലേക്ക് മറിഞ്ഞിരുന്നു

ലഖ്‌നൗ: ഉന്നാവോയിലെ നാനാപൂർ ഗംഗ പാലത്തിൽ ട്രക്കുകൾ കൂട്ടിയിടിച്ച് രണ്ട് പേർ മരിച്ചു. ഡാനിഷ് (19), യമുന പ്രസാദ് (25) എന്നിവരാണ് മരിച്ചത്. കനത്ത മൂടല്‍ മഞ്ഞ് കാരണമാണ് അപകടമുണ്ടായതെന്ന് എസ്‌.പി വിക്രാന്ത് വീർ പറഞ്ഞു . ചൊവ്വാഴ്ച രാത്രിയായിരുന്നു സംഭവം. ഇടിയുടെ ആഘാതത്തില്‍ ഒരു ട്രക്ക് നദിയിലേക്ക് മറിഞ്ഞു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.