പട്‌ന: ബീഹാർ മുഖ്യമന്ത്രി നിതീഷ് കുമാറിന്‍റെ വസതിക്ക് മുന്നിൽ യുവാവ് ആത്മഹത്യക്ക് ശ്രമിച്ചു. അഭിജിത് ശർമയെന്ന യുവാവാണ് മണ്ണെണ്ണയൊഴിച്ച് തീ കൊളുത്തിയത്. സംസ്ഥാനത്ത് ഡെങ്കിപ്പനി ചികിത്സിക്കുന്നതിൽ അശ്രദ്ധയെന്ന് ആരോപിച്ചാണ് ആത്മഹത്യ ശ്രമം.
ഏതാനും മാസങ്ങൾക്ക് മുമ്പ് അഭിജിത്തിന്‍റെ ബന്ധു അർച്ചന ഡെങ്കിപ്പനി ബാധിച്ച് മരിച്ചു. പിഎംസിഎച്ച് ആശുപത്രി മാനേജ്മെന്‍റിന്‍റെ പിഴവമൂലമാണ് അർച്ചന മരിച്ചതെന്നും ആശുപത്രി തെറ്റായ റിപ്പോർട്ടാണ് നല്‍കിയതെന്നുമായിരുന്നു ആരോപണം. മരണശേഷം അർച്ചനയുടെ കുട്ടികൾക്ക് നഷ്ടപരിഹാരം ആവശ്യപ്പെട്ട് കുടുംബാംഗങ്ങൾ മരണം വരെ ഉപവാസത്തിലാണ്.
ഇതിനിടെയാണ് മുഖ്യമന്ത്രിയുടെ വസതിക്ക് മുന്നിൽ അഭിജിത് ആത്മഹത്യാ ശ്രമം നടത്തിയത്. സുരക്ഷാ ഉദ്യോഗസ്ഥർ അദ്ദേഹത്തെ ഉടൻ ആശുപത്രിയിൽ എത്തിച്ചു. കൂടുതൽ ചോദ്യം ചെയ്യലിനായി ഇയാളെ കസ്റ്റഡിയിലെടുത്തു.
