ന്യൂഡൽഹി: ഒക്ടോബർ എട്ടിന് 88-ാമത് വ്യോമസേന ദിനം ആചരിക്കുന്നതിന് മുന്നോടിയായി ഗാസിയാബാദിലെ ഹിൻഡോൺ താവളത്തിൽ ഫ്ലൈപാസ്റ്റ് ഉൾപ്പെടെ ഫുൾ ഡ്രസ് പരിശീലനം നടത്തി ഇന്ത്യൻ വ്യോമസേന. തേജസ് എൽ‌സി‌എ, ജാഗ്വാർ, മിഗ് -29, മിഗ് -21, സുഖോയ് -30 വിമാനങ്ങൾ റിഹേഴ്സലിന്‍റെ ഭാഗമായി.
കിഴക്കൻ ലഡാക്കിൽ ചൈനയുമായി ഒരു മാസക്കാലം നീണ്ടുനിന്ന അതിർത്തിയിലെ പോരാട്ടത്തിന്‍റെ പശ്ചാത്തലത്തിൽ ഇന്ത്യയുടെ വ്യോമാക്രമണ ശേഷി വർധിപ്പിക്കുന്നതിനായി സെപ്റ്റംബർ 10 ന് അഞ്ച് റാഫേൽ യുദ്ധവിമാനങ്ങൾ ഔദ്യോഗികമായി വ്യോമസേനയിൽ ഉൾപ്പെടുത്തിയിരുന്നു.
വ്യോമസേനയുടെ ഹെലികോപ്റ്റർ കപ്പലുകളായ മി 17 വി 5, എഎൽഎച്ച് മാർക്ക് -4, ചിനൂക്ക്, മി -35, അപ്പാച്ചെ എന്നിവയും ഫ്ലൈപാസ്റ്റിന്‍റെ ഭാഗമായെന്ന് അധികൃതർ അറിയിച്ചു. സി -17, സി -130, ഡോർനിയർ, ഡിസി -3 ഡക്കോട്ട തുടങ്ങിയ വിമാനങ്ങളും റിഹേഴ്‌സൽ ദിനത്തിന്‍റെ ഭാഗമായി.
സൂര്യകിരൺ എയ്റോ‌ബാറ്റിക് ടീം, സാരംഗ് എയ്റോ‌ബാറ്റിക് ടീം എന്നിവയും ഫ്ലൈപാസ്റ്റിന്‍റെ ഭാഗമായിരുന്നു. 1932 ൽ വ്യോമസേന സ്ഥാപിതമായ ദിവസത്തെ അടയാളപ്പെടുത്തുന്നതിനാണ് വ്യോമസേന ദിനം ആഘോഷിക്കുന്നത്.
