ಹ್ಯಾಪಿ ಬರ್ತ್‌ಡೇ! ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕಿಂಗ್‌ ಕೊಹ್ಲಿಯ ಪ್ರಮುಖ ದಾಖಲೆಗಳು ಹೀಗಿವೆ

ಭಾರತದ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ಇಂದು 36ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಚೇಸ್‌ ಮಾಸ್ಟರ್‌, ರನ್ ಮಷಿನ್ ಖ್ಯಾತಿಯ ಕಿಂಗ್‌ ಕೊಹ್ಲಿ ಹೆಸರಲ್ಲಿರುವ ಪ್ರಮುಖ ದಾಖಲೆಗಳು ಇಲ್ಲಿವೆ.

ಭಾರತ ಕ್ರಿಕೆಟ್​ ತಂಡದ ಸ್ಟಾರ್​ ಆಟಗಾರ ವಿರಾಟ್​ ಕೊಹ್ಲಿಗೆ ಇಂದು 36ನೇ ವರ್ಷದ ಹುಟ್ಟುಹಬ್ಬ. ಕಳೆದ 16 ವರ್ಷಗಳಿಂದ ಕ್ರಿಕೆಟ್​ ಜಗತ್ತಿನಲ್ಲಿ ಮಿಂಚುತ್ತಿರುವ ಕೊಹ್ಲಿ, ಹಲವಾರು ದಾಖಲೆಗಳನ್ನು ಬರೆದಿದ್ದಾರೆ ಮತ್ತು ಮುರಿದಿದ್ದಾರೆ. ಈ ಹಿನ್ನೆಲೆಯಲ್ಲಿ ದಾಖಲೆಗಳ ಸರದಾರ, ರನ್​ ಮಷಿನ್​ ಎಂದೆಲ್ಲ ಅಭಿಮಾನಿಗಳು ಬಿರುದಾವಳಿ ನೀಡಿದ್ದಾರೆ.

ಏಕದಿನ ಕ್ರಿಕೆಟ್‌ನಲ್ಲಿ 50 ಶತಕ: ಏಕದಿನ ಕ್ರಿಕೆಟ್​ನಲ್ಲಿ ಕೊಹ್ಲಿ ಅತಿ ಹೆಚ್ಚು ಶತಕಗಳನ್ನು ಸಿಡಿಸಿ ದಾಖಲೆ ಬರೆದಿದ್ದಾರೆ. ಈ ಹಿಂದೆ ಸಚಿನ್ ತೆಂಡೂಲ್ಕರ್​ 463 ಏಕದಿನ ಪಂದ್ಯಗಳಲ್ಲಿ 49 ಶತಕಗಳನ್ನು ಬಾರಿಸಿದ್ದರೆ, ವಿರಾಟ್ ಕೇವಲ 295 ಪಂದ್ಯಗಳಲ್ಲೇ 50 ಶತಕಗಳನ್ನು ಪೂರೈಸಿದ್ದಾರೆ.

Wishing you a very Happy Birthday #KingKohli! The greatest comebacks emerge from our setbacks and the world eagerly looks forward to your solid comeback 🔥 you’ve done it in the past and I’m sure you will do it yet again 💪🏻🙌🏻 God bless! lots of love ❤️ @imVkohli pic.twitter.com/wo9hrzUehq

— Yuvraj Singh (@YUVSTRONG12) November 5, 2024

80 ಅಂತಾರಾಷ್ಟ್ರೀಯ ಶತಕ: ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ದಾಖಲೆ ಕ್ರಿಕೆಟ್​ ದಿಗ್ಗಜ ಸಚಿನ್​ ತೆಂಡೂಲ್ಕರ್​ ಹೆಸರಲ್ಲಿದೆ. ಅವರು ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಒಟ್ಟು 100 ಶತಕಗಳನ್ನು ಪೂರೈಸಿದ್ದಾರೆ. ನಂತರದ ಸ್ಥಾನದಲ್ಲಿ ವಿರಾಟ್​ ಕೊಹ್ಲಿ ಇದ್ದಾರೆ. ಇವರು ಇದುವರೆಗೆ ಒಟ್ಟು 80 ಅಂತಾರಾಷ್ಟ್ರೀಯ ಶತಕಗಳನ್ನು ಸಿಡಿಸಿದ್ದಾರೆ.

ಶೂನ್ಯ ಎಸೆತಕ್ಕೆ ವಿಕೆಟ್​: ವಿರಾಟ್​ ಕೊಹ್ಲಿ ಹೆಸರಲ್ಲಿ ಅಪರೂಪದ ದಾಖಲೆಯೊಂದಿದೆ. ಇದು ಈವರೆಗೂ ಯಾರಿಂದಲೂ ಮುರಿಯಲು ಸಾಧ್ಯವಾಗಿಲ್ಲ. 2011ರಲ್ಲಿ ಟೀಂ ಇಂಡಿಯಾ, ಇಂಗ್ಲೆಂಡ್​ಗೆ ಪ್ರವಾಸ ಬೆಳೆಸಿತ್ತು. ಉಭಯ ತಂಡಗಳ ನಡುವೆ ಟಿ20 ಪಂದ್ಯ ಆಯೋಜಿಸಲಾಗಿತ್ತು. ಆಗಸ್ಟ್​ 31ರಂದು ನಡೆದ ಪಂದ್ಯದಲ್ಲಿ ಕೊಹ್ಲಿ 8ನೇ ಓವರ್​​ನಲ್ಲಿ ಬೌಲಿಂಗ್​ ಮಾಡಿದ್ದರು. ಈ ವೇಳೆ ಮೊದಲ ಎಸೆತದಲ್ಲಿ ಕೆವಿನ್​ ಪೀಟರ್ಸನ್​ ವಿಕೆಟ್​ ಪಡೆದಿದ್ದರು. ಆದರೆ ಈ ಎಸೆತ​ ವೈಡ್​ ಆಗಿತ್ತು. ಕೊಹ್ಲಿ ಎಸೆದ ಚೆಂಡನ್ನು ಬೌಂಡರಿಗೆ ಕಳುಹಿಸಲೆಂದು ಕ್ರೀಸ್​ನಿಂದ ಹೊರಬಂದ ಕೆವೀನ್​ ಚೆಂಡು​ ಮಿಸ್​ ಮಾಡಿದ್ದರು. ವಿಕೆಟ್ ಕೀಪರ್​ ಧೋನಿ ತಕ್ಷಣವೇ ಸ್ಟಂಪ್​ ಮಾಡಿದ್ದರು. ಇದು ವೈಡ್​ ಬಾಲ್​ ಆದ ಕಾರಣ ಕೊಹ್ಲಿ ಶೂನ್ಯ ಎಸೆತಕ್ಕೆ ವಿಕೆಟ್​ ಪಡೆದಂತಾಯಿತು.

It’s time to celebrate the legend who redefines ‘wrong-footed’ by doing most things right, especially when he wears that iconic jersey number 1️⃣8️⃣! 🎉🥳

To the fittest, fastest, the undisputed GOAT, and our very own, Virat Kohli aka King Kohli, here’s wishing you a very happy… pic.twitter.com/4fQ7dCbuOy

— Royal Challengers Bengaluru (@RCBTweets) November 4, 2024

ಆರ್​ಸಿಬಿಯಿಂದ ಬರ್ತ್‌ಡೇ ಶುಭಾಶಯ​: ಕೊಹ್ಲಿ ಹುಟ್ಟುಹಬ್ಬಕ್ಕೆ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಶುಭಕೋರಿದೆ. ಎಕ್ಸ್​ನಲ್ಲಿ ಕೊಹ್ಲಿ ಫೋಟೋ ಮತ್ತು ವಿಡಿಯೋ ಹಂಚಿಕೊಂಡು ವಿಶೇಷ ರೀತಿಯಲ್ಲಿ ಶುಭ ಕೋರಿದೆ. ಯುವರಾಜ್​ ಸಿಂಗ್​, ಜಸ್ಪ್ರೀತ್​ ಬುಮ್ರಾ ಕೂಡ ಶುಭ ಹಾರೈಸಿದ್ದಾರೆ.

ಇದನ್ನೂ ಓದಿ: ಶೂನ್ಯ ಎಸೆತಕ್ಕೆ ವಿಕೆಟ್​ ಪಡೆದ ವಿಶ್ವದ ಏಕೈಕ ಕ್ರಿಕೆಟಿಗ ಯಾರು? ಇವರೀಗ ಟೀಂ ಇಂಡಿಯಾದ ಸ್ಟಾರ್​ ಬ್ಯಾಟರ್​!