ವೀಕೆಂಡ್‌ ಕೊರೊನಾಗೆ ಮೀಸಲು: ಚಾಮರಾಜನಗರ ಸ್ತಬ್ಧ, ಮನೆಯಿಂದ ಹೊರಬರದ ಜನ

ರಾಜ್ಯ ಸರ್ಕಾರದ ಆದೇಶದಂತೆ ಸಂಡೇ ಲಾಕ್​ಡೌನ್​ಗೆ ಗಡಿಜಿಲ್ಲೆಯಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಹಾಲು, ತರಕಾರಿ ಸೇವೆಗಳನ್ನು ಬಿಟ್ಟು ಉಳಿದೆಲ್ಲಾ ವ್ಯಾಪಾರ-ವಹಿವಾಟು ಬಂದ್​ ಆಗಿದೆ. ಸರಕು ಸಾಗಾಣೆ ಲಾರಿಗಳು, ಕೆಎಸ್​ಆರ್​ಟಿಸಿ ಬಸ್​ಗಳು, ಖಾಸಗಿ ಬಸ್​ಗಳು, ಆಟೋಗಳು ರಸ್ತೆಗಿಳಿಯದಿದ್ದರಿಂದ ಜಿಲ್ಲಾದ್ಯಂತ ನಿಶ್ಯಬ್ದ ವಾತಾವರಣವಿದೆ. ಕೊರೊನಾ ಪ್ರಕರಣಗಳು ಜಿಲ್ಲೆಯಲ್ಲಿ ಏರಿಕೆಯಾಗುತ್ತಿದ್ದು ಗುಂಡ್ಲುಪೇಟೆ ಹಾಗೂ ಗ್ರಾಮೀಣ ಭಾಗದಲ್ಲೂ ಕರ್ಫ್ಯೂಗೆ ಜನರು ಸ್ಪಂದಿಸುತ್ತಿದ್ದಾರೆ.