ಇದು ಕ್ಯಾನ್ಸರ್​​​ಗಿಂತಲೂ ಮಾರಕ.... ಈ ವೈರಸ್​​ಗೆ 2 ಸಾವಿರಕ್ಕೂ ಹೆಚ್ಚು ಬಲಿ!

ವಿಶ್ವಕ್ಕೆ ಭಯ ಹುಟ್ಟಿಸುತ್ತಿರುವ ಎಬೋಲಾ ದಾಳಿಗೆ ಜನ ತತ್ತರಿಸಿದ್ದಾರೆ. ಡೆಮಾಕ್ರಟಿಕ್​​ ರಿಪಬ್ಲಿಕ್​ ಆಫ್​ ಕಾಂಗೊದಲ್ಲಿ ಈ ರೋಗಕ್ಕೆ ಎರಡು ಸಾವಿರ ಜನ ಬಲಿಯಾಗಿದ್ದಾರೆ. ಈ ದೇಶದಲ್ಲಿ ಸುಮಾರು 3000ಕ್ಕೂ ಹೆಚ್ಚು ಎಬೋಲಾ ಪ್ರಕರಣಗಳು ದಾಖಲಾಗಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ. ಶುಕ್ರವಾರ ಹೊರಡಿಸಿರುವ ಪ್ರಕರಣೆ ಅಚ್ಚರಿಗೆ ಗುರಿಯಾಗಿದೆ. ಕಳೆದ ಆಗಸ್ಟ್​ನಿಂದ ಇಲ್ಲಿಯವರೆಗೆ ಡೆಮಾಕ್ರಟಿಕ್​​​ ರಿಪಬ್ಲಿಕ್​ ಆಫ್​ ಕಾಂಗೊದಲ್ಲಿ ಎರಡು ಸಾವಿರಕ್ಕೂ ಹೆಚ್ಚು ಸಾವಿನ್ನಪ್ಪಿದ್ದು, ಮೂರು ಸಾವಿರಕ್ಕೂ ಹೆಚ್ಚು ಎಬೋಲಾ ಪ್ರಕರಣಗಳು ದಾಖಲಾಗಿವೆ ಎಂದು ತಿಳಿದು ಬಂದಿದೆ. 1976ರಲ್ಲಿ ಬೆಲ್ಜಿಯಂ ಮೈಕ್ರೋಬಯಾಲಜಿಸ್ಟ್​ ಪಿಟರ್​ ಪಿಯಾಟ್​ ಮತ್ತು ಆತನ ತಂಡ ವೈರಸ್​ ಕಂಡು ಹಿಡಿದ ಪ್ರದೇಶದಲ್ಲಿ ಎಬೋಲಾ ನದಿ ಹರಿಯುತ್ತಿತ್ತು. ಹೀಗಾಗಿ ಈ ವೈರಸ್​ಗೆ ಎಬೋಲಾ ಎಂದು ಹೆಸರು ಬಂತು. 2013 ರಿಂದ 2016ರ ವರ್ಷಗಳ ಮಧ್ಯೆ ಪಶ್ಚಿಮ ಆಫ್ರಿಕಾದಲ್ಲಿ ಎಬೋಲಾ ವೈರಸ್​ ತೀವ್ರವಾಗಿ ಹರಡಿದ್ದು, ಸುಮಾರು 11 ಸಾವಿರ ಜನರು ಈ ಮಹಾಮಾರಿಗೆ ತುತ್ತಾಗಿದ್ದರು.