ರೋಗಿಯನ್ನ ತಳ್ಳುವ ಗಾಡಿಯಲ್ಲೇ 8 ಕಿ.ಮೀ ತಳ್ಳಿಕೊಂಡು ಹೋಗಿ ಆಸ್ಪತ್ರೆ ಸೇರಿಸಿದ್ರು!!

ಲಾಕ್​ಡೌನ್​​ನಿಂದಾಗಿ ಆ್ಯಂಬುಲೆನ್ಸ್​ ಸೇವೆ ಸಿಗದೇ ಅನೇಕರು ತೊಂದರೆ ಅನುಭವಿಸುವಂತಾಗಿದೆ. ಹೀಗಾಗಿ ರೋಗಿಗಳನ್ನ ತಳ್ಳುವ ಗಾಡಿ, ಟಾಂಗಾ ಸೇರಿದಂತೆ ಸೈಕಲ್​ಗಳ ಮೇಲೆ ಕುಳ್ಳಿರಿಸಿಕೊಂಡು ಹತ್ತಾರು ಕಿಲೋ ಮೀಟರ್​ ಕ್ರಮಿಸಿ ಆಸ್ಪತ್ರೆಗೆ ದಾಖಲು ಮಾಡಲಾಗ್ತಿದೆ. ಇದೀಗ ಮಧ್ಯಪ್ರದೇಶದ ಗೋಟೋಗಾಂವ್​ನಲ್ಲಿ ಇಂತಹದೊಂದು ಘಟನೆ ನಡೆದಿದ್ದು, ವ್ಯಕ್ತಿಯೊಬ್ಬನನ್ನು ಸರಿಸುಮಾರು 8 ಕಿ.ಮೀಟರ್​ ದೂರ ತಳ್ಳುವ ಗಾಡಿಯಲ್ಲಿ ತೆಗೆದುಕೊಂಡು ಹೋಗಿ ಆಸ್ಪತ್ರೆಗೆ ದಾಖಲು ಮಾಡಿ ಆತನ ಜೀವ ಉಳಿಸಿದ್ದಾರೆ.