ದೂರದ ಸಂಬಂಧ - ವಿರಹ ವೇದನೆ: ವರ್ಚುಯಲ್ ವ್ಯಾಲೆಂಟೈನ್ಸ್ ಡೇ ಆಚರಣೆಗೆ ಇಲ್ಲಿದೆ ಟಿಪ್ಸ್​..

ಇಂದು ಪ್ರೇಮಿಗಳ ದಿನ. ದೂರ ದೂರ ಇರುವವರು ವಿರಹ ವೇದನೆ ಅನುಭವಿಸುತ್ತಿರುತ್ತಾರೆ. ಆದರೆ, ಸಪ್ಪೆ ಮುಖ ಮಾಡಿ ಕೂರುವ ಬದಲು ಹೀಗೆ ನೀವು ವ್ಯಾಲೆಂಟೈನ್ಸ್ ಡೇ ಆಚರಿಸಿ..

ಹತ್ತಿರ ಇದ್ದವರೇನೋ ರೋಜ್​ ನೀಡಿ, ಕೇಕ್​ ಕತ್ತರಿಸಿ, ಸ್ಪೆಷಲ್​ ಡಿನ್ನರ್​ ಏರ್ಪಡಿಸಿ, ಚುಂಬನ- ಅಪ್ಪುಗೆ ನೀಡಿ, ಕೆಲ ಸ್ಥಳಗಳಿಗೆ ಭೇಟಿ ನೀಡಿ ಹೀಗೆ ವಿವಿಧ ರೀತಿಯಲ್ಲಿ ಪ್ರೇಮಿಗಳ ದಿನವನ್ನು ಆಚರಿಸಿಕೊಳ್ಳುತ್ತಾರೆ. ಆದರೆ, ದೂರ ದೂರ ಇರುವವರು ಹೇಗೆ ವ್ಯಾಲೆಂಟೈನ್ಸ್ ಡೇ ಆಚರಣೆ ಮಾಡಿಕೊಳ್ಳಬಹುದು ಎಂಬುದಕ್ಕೆ ಇಲ್ಲಿದೆ 9 ಟಿಪ್ಸ್​..

1. ವರ್ಚುಯಲ್ ದಿಂಬಿನ ಮಾತುಕತೆ​​: ಈಗೆನಿದ್ದರೂ ಎಲ್ಲ ವರ್ಚುಯಲ್. ಅನೇಕ ನಿಶ್ಚಿತಾರ್ಥ, ವಿವಾಹಗಳೇ ವಿಡಿಯೋ ಕಾನ್ಫರೆನ್ಸ್ ಮೂಲಕ ನಡೆದಿರುವ ಉದಾಹರಣೆಗಳಿವೆ. ನಿಮ್ಮ ಸಂಗಾತಿ ಜೊತೆ ಈ ದಿನದಂದು ವಿಡಿಯೋ ಕರೆ ಮಾಡಿ ಇಬ್ಬರು ದಿಂಬನ್ನು ತಬ್ಬಿಕೊಂಡು ಮುದ್ದಾಗಿ ಮಾತನಾಡಿಕೊಳ್ಳಿ. ಈ ವರ್ಚುಯಲ್ ಪಿಲ್ಲೋ ಟಾಕ್​ ನಿಮ್ಮ ಆಸೆಗಳನ್ನು ವರ್ಧಿಸುತ್ತದೆ ಮತ್ತು ನಿಮ್ಮ ಸಂಗಾತಿಯೊಂದಿಗೆ ನೀವು ನಂಬಲಾಗದಷ್ಟು ಸಂಪರ್ಕ ಹೊಂದುವಂತೆ ಮಾಡುತ್ತದೆ.

2. ವರ್ಚುಯಲ್ ಕ್ಯಾಂಡಲ್​ ಲೈಟ್ ಡಿನ್ನರ್: ಸಂಬಂಧಗಳನ್ನು ಬೆಸೆಯುವಲ್ಲಿ ಕ್ಯಾಂಡಲ್​ ಲೈಟ್ ಡಿನ್ನರ್ಪ್ರಮುಖ ಪಾತ್ರ ವಹಿಸುತ್ತದೆ. ಕ್ಯಾಂಡಲ್​ ಲೈಟ್ ಡಿನ್ನರ್ ಏರ್ಪಡಿಸಿ ನಿಮ್ಮ ಸಂಗಾತಿಗೆ ವಿಡಿಯೋ ಕರೆ ಮಾಡಿ ಸರ್ಪ್ರೈಸ್​​ ನೀಡಿ. ಸೌಮ್ಯವಾದ ಬೆಳಕಿನೊಂದಿಗೆ ರೋಮ್ಯಾಂಟಿಕ್ ಟ್ಯೂನ್​ ಕೇಳುವಂತೆಯೂ ಮಾಡಿ. ನಿಮ್ಮ ಸಂಗಾತಿಯ ನೆಚ್ಚಿನ ಆಹಾರವನ್ನು ತಯಾರಿಸಿರುವುದನ್ನು ತೋರಿಸಿ. ವೈನ್ ಗ್ಲಾಸ್​ ಕೈಯಲ್ಲಿ ಹಿಡಿದು ನಿಮ್ಮ ರೊಮ್ಯಾಂಟಿಕ್​ ಸಂಭಾಷಣೆ ಆರಂಭಿಸಿ.

3. ಅತೀಂದ್ರಿಯ ಓದುವಿಕೆ: ನಿಮ್ಮ ಸಂಗಾತಿಯ ಕಣ್ಣನ್ನ ನೋಡಿ ಮನಸ್ಸಲ್ಲಿ ಏನಿದೆ ಎಂಬುದನ್ನು ಓದುವ ಪ್ರಯತ್ನ ಮಾಡಿ. ಇದು ನಿಮ್ಮ ಜೀವನದ ಉದ್ದೇಶ, ಭರವಸೆಗಳು ಮತ್ತು ಕನಸುಗಳ ಬಗ್ಗೆ ಕ್ರಿಯಾತ್ಮಕ ಸಂಭಾಷಣೆಗೆ ನಿಮ್ಮಿಬ್ಬರನ್ನೂ ಕರೆದೊಯ್ಯುತ್ತದೆ.

4. ಕಲಾಕೃತಿ ರಚನೆ: ಆಡಿಯೋ - ವೀಡಿಯೊ ಚಾಟ್‌ಗಳಿಗಿಂತ ಹೆಚ್ಚು ನಿಮ್ಮ ಬಾಂಧವ್ಯವನ್ನು ಗಟ್ಟಿಗೊಳಿಸುವುದು ಕಲಾಕೃತಿಗಳು. ನಿಮ್ಮ ಕೈಲಾದ ಮಟ್ಟಿಗೆ ಪೇಂಟಿಂಗ್, ಡ್ರಾಯಿಂಗ್ ಸೇರಿದಂತೆ ಯಾವುದಾದರೂ ಒಂದು ಬಗೆಯ ಕಲಾಕೃತಿ ರಚಿಸಿ ಅದನ್ನು ನಿಮ್ಮ ಸಂಗಾತಿಗೆ ಕಳುಹಿಸಿಕೊಡಿ. ಇದಕ್ಕಾಗಿ ನೀವು ಉತ್ತಮ ಕಲಾವಿದರೇ ಆಗಬೇಕಾಗಿಲ್ಲ. ಹೀಗೆ ಮಾಡುವುದರಿಂದ ನೀವು ಮತ್ತಷ್ಟು ಹತ್ತಿರವಾಗುತ್ತೀರಿ.

5. ವರ್ಚುಯಲ್ ಟ್ರಿಪ್: ಇಬ್ಬರೂ ಹೊಸ ಹೊಸ ಸ್ಥಳಗಳಿಗೆ ಭೇಟಿ ನೀಡಿ ವಿಡಿಯೋ ಕಾಲ್​ ಮೂಲಕ ನಿಮ್ಮ ಹೊಸ ಅನುಭವಗಳನ್ನು ಹಂಚಿಕೊಳ್ಳಿ. ಇದು ನಿಮಗೆ ಅತಿಯಾದ ಸಂತೋಷವನ್ನು ನೀಡುತ್ತದೆ.

ಇದನ್ನೂ ಓದಿ: ಲೈಂಗಿಕ ಸುಖ ಅನುಭವಿಸಲು ಸಾಧ್ಯವಾಗುತ್ತಿಲ್ಲವೇ?.. ಅದಕ್ಕೆ ಇದೇ ಕಾರಣ..

6. ಮಿಕ್ಸಾಲಜಿಸ್ಟ್ ಆಗಿ: ಇದು ಮತ್ತೇನು ಅಲ್ಲ ಡ್ರಿಂಕ್​ ಡೇಟ್​. ವಿವಿಧ ಹಣ್ಣುಗಳ ಪಾನೀಯ ತಯಾರಿಸಿ ವರ್ಚುಯಲ್​ ಆಗಿ ನಿಮ್ಮ ಸಂಗಾತಿಯೊಂದಿಗೆ ಕುಡಿಯಿರಿ. ಇದು ನಿಮ್ಮ ಮನಸಿಗೆ ಮುದ ನೀಡುತ್ತದೆ.

7. ವರ್ಚುಯಲ್ ಬೋನ್​ಫೈರ್​: ಮೋಡಿಮಾಡುವ ಅನುಭವವನ್ನು ಸೃಷ್ಟಿಸುವ ಸಾಮರ್ಥ್ಯ ಹೊಂದಿರುವುದು ಬೋನ್​ಫೈರ್. ಇಬ್ಬರೂ ನೀವಿರುವ ಸ್ಥಳದಲ್ಲಿ ಬೋನ್​ಫೈರ್ ಹಾಕಿ ವರ್ಚುವಲ್​ ಈವೆಂಟ್ ಆಯೋಜಿಸಿ. ಸಣ್ಣ ಬೆಂಕಿಯ ಬೆಳಕಿನಿಂದ ನಿಮ್ಮನ್ನು ಬೆಚ್ಚಗಾಗಿಸಿಕೊಂಡು, ನಿಮ್ಮ ಕನಸು-ಆಸೆಗಳನ್ನು ವಿನಿಮಯ ಮಾಡಿಕೊಳ್ಳಿ.

8. ವರ್ಚುಯಲ್ ನೇಚರ್ ವಾಕ್‌ಟೈಮ್: ಪ್ರಕೃತಿ ಸೌಂದರ್ಯವನ್ನು ಸವಿಯುತ್ತಾ ಒಂದು ವರ್ಚುಯಲ್ ವಾಕ್​ ಹೋಗಿ. ಇದು ಪ್ರಕೃತಿಯೊಂದಿಗೆ ಸಂಪರ್ಕ ಸಾಧಿಸುವುದಲ್ಲದೇ ನಿಮ್ಮ ಆತ್ಮೀಯತೆಯನ್ನು ವರ್ಧಕ ಆಗಲಿದೆ. ನಿಮ್ಮ ಜೀವನ ಪಯಣದ ಹಿನ್ನೋಟ-ಮುನ್ನೋಟ ಹಂಚಿಕೊಳ್ಳಿ.

9. ಸೂರ್ಯೋದಯ ಕಾಫಿ: ಸೂರ್ಯೋದಯ ಆಗುವ ವೇಳೆ ವರ್ಚುಯಲ್​ ಆಗಿ ಕಾಫಿ ಕುಡಿಯುತ್ತಾ ಮುಂಜಾನೆಯನ್ನು ಸ್ವಾಗತಿಸಿ. ಹೀಗೆ ಮಾಡುವುದರಿಂದ ಇಡೀ ದಿನ ನೀವು ಲವಲವಿಕೆಯಿಂದ ಇರಬಹುದು.