ಶಿವಮೊಗ್ಗ: ಮಾಹಾಮಾರಿ ಕೊರೊನಾದಿಂದ ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ ಹೆಚ್ಚಾಗುತ್ತಿದ್ದರೂ ಜನ ಮಾತ್ರ ಯಾವುದಕ್ಕೂ ಹೆದರುತ್ತಿಲ್ಲ. ಗೌರಿ-ಗಣೇಶ ಹಬ್ಬದ ಖರೀದಿ ನಗರದಲ್ಲಿ ಜೋರಾಗಿರುವುದು ಇದಕ್ಕೆ ಒಂದು ನಿದರ್ಶನ.
ಇಲ್ಲಿನ ಶಿವಪ್ಪನಾಯಕ ಮಾರುಕಟ್ಟೆ, ಗಾಂಧಿ ಬಜಾರ್ ಸೇರಿದಂತೆ ನಗರದ ಹಲವೆಡೆ ಹಬ್ಬದ ಖರೀದಿ ಜೋರಾಗಿದೆ. ಆದರೆ, ಇಲ್ಲಿ ಯಾವುದೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೇ ಜನರು ಖರೀದಿ ಮಾಡುತ್ತಿದ್ದ ದೃಶ್ಯ ಕಂಡು ಬಂತು.
ಹೂ, ಹಣ್ಣು, ಬಾಳೆ ದಿಂಡು, ಮಾವಿನ ತೋರಣ ಸೇರಿದಂತೆ ಹಬ್ಬದ ವಸ್ತುಗಳ ಖರೀದಿ ನಡೆಯುತ್ತಿತ್ತು. ಕೊರೊನಾ ಹಾವಳಿಯಿಂದ ಕುಸಿದಿದ್ದ ವ್ಯಾಪಾರ ಹಬ್ಬದ ಹಿನ್ನೆಲೆ ಸ್ವಲ್ಪ ಮಟ್ಟಿಗೆ ಸುಧಾರಿಸಿದೆ. ಆದರೆ, ಕಳೆದ ಸಾರಿಯಂತೆ ಹಬ್ಬ ಸಹ ಅದ್ಧೂರಿಯಾಗುತ್ತಿಲ್ಲ. ಇದರಿಂದ ಅಂದುಕೊಂಡಷ್ಟು ಲಾಭವೂ ಸಿಗುತ್ತಿಲ್ಲ ಎನ್ನುತ್ತಿದ್ದಾರೆ ಕೆಲ ವ್ಯಾಪಾರಿಗಳು.
