ಕುವೆಂಪು ವಿವಿ ಸ್ನಾತಕೋತ್ತರ ಪದವಿ ಪ್ರವೇಶಾತಿ ಡಿ. 18 ರಿಂದ ಪ್ರಾರಂಭ

ವಿವಿಧ ವಿಭಾಗಗಳಿಗೆ ಅರ್ಜಿ ಹಾಕಿರುವ ವಿದ್ಯಾರ್ಥಿಗಳು 18 ರಂದು ಬೆಳಗ್ಗೆ 9:30 ಕ್ಕೆ ಅಗತ್ಯ ದಾಖಲೆಗಳೂಂದಿಗೆ ವಿವಿಯ ಜ್ಞಾನ ಸಹ್ಯಾದ್ರಿ ಆವರಣಕ್ಕೆ ಅಗಮಿಸಬೇಕು ಎಂದು ಶೈಕ್ಷಣಿಕ ವಿಭಾಗದ ಕುಲಸಚಿವ ಡಾ.ಗೋವಿಂದರಾಜು ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಶಿವಮೊಗ್ಗ: ರಾಜ್ಯದ ಪ್ರತಿಷ್ಟಿತ ವಿಶ್ವವಿದ್ಯಾನಿಲಯಗಳಲ್ಲಿ ಒಂದಾದ ಕುವೆಂಪು ವಿವಿ ಸ್ನಾತಕೋತ್ತರ ಪದವಿ ಪ್ರವೇಶಾತಿಯ ಕೌನ್ಸೆಲಿಂಗ್ ಡಿ.18 ರಿಂದ ಮೂರು ದಿನಗಳ‌ ಕಾಲ ನಡೆಯಲಿದೆ ಎಂದು ಆಡಳಿತ ಮಂಡಳಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಕುವೆಂಪು ವಿಶ್ವವಿದ್ಯಾನಿಲಯದ 40ಕ್ಕೂ ಅಧಿಕ ಸ್ನಾತಕೋತ್ತರ ಪದವಿ ಕೋರ್ಸ್​​​​​ಗಳಿಗೆ ಡಿಸೆಂಬರ್ 18,19 ಹಾಗೂ 21 ರಂದು ಕೌನ್ಸೆಲಿಂಗ್ ನಡೆಯಲಿದೆ.

ಪ್ರವೇಶಾತಿಯು ಕುವೆಂಪು ವಿವಿಯ ಮುಖ್ಯ ಆವರಣ ಜ್ಞಾನ ಸಹ್ಯಾದ್ರಿ, ಕಡೂರು ಪಿ.ಜಿ.ಕೇಂದ್ರ ಮತ್ತು 20 ಕ್ಕೂ‌ ಹೆಚ್ಚು‌ ಸ್ನಾತಕೋತ್ತರ ಕಾಲೇಜುಗಳ ಎಲ್ಲಾ 33 ವಿಭಾಗಗಳ 45 ಕೋರ್ಸ್ ಗಳಿಗೆ ಪ್ರವೇಶಾತಿಯ ಕೌನ್ಸೆಲಿಂಗ್ ಹಮ್ಮಿಕೊಳ್ಳಲಾಗಿದೆ. ಪ್ರಸಕ್ತ ವರ್ಷದ ಸಂಪೂರ್ಣ ಪ್ರವೇಶಾತಿ ಈ ಮೂರು ದಿನಗಳಲ್ಲಿಯೇ ಮಾಡಿ ಮುಗಿಸಲು ವಿಶ್ವ ವಿದ್ಯಾನಿಲಯ ಯೋಜಿಸಿದೆ.

18 ಮತ್ತು 19 ರಂದು ಮೆರಿಟ್ ಸೀಟುಗಳು ಮತ್ತು ನಿರೀಕ್ಷಣಾ ಪಟ್ಟಿಯ ಅಭ್ಯರ್ಥಿಗಳಿಗೆ ಪ್ರವೇಶಾತಿ ಪ್ರಕ್ರಿಯೆ ನಡೆಯಲಿದೆ. ಸೋಮವಾರ 21 ರಂದು ಉಳಿಕೆ ಸೀಟುಗಳು, ಪೆಮೆಂಟ್ ಮತ್ತು ಇತರ ಕೋಟಾಗಳ ಸೀಟುಗಳಿಗೆ ಪ್ರವೇಶಾತಿ ನಡೆಯಲಿದೆ.

ವಿವಿಧ ವಿಭಾಗಗಳಿಗೆ ಅರ್ಜಿ ಹಾಕಿರುವ ವಿದ್ಯಾರ್ಥಿಗಳು 18 ರಂದು ಬೆಳಗ್ಗೆ 9:30 ಕ್ಕೆ ಅಗತ್ಯ ದಾಖಲೆಗಳೂಂದಿಗೆ ವಿವಿಯ ಜ್ಞಾನ ಸಹ್ಯಾದ್ರಿ ಆವರಣಕ್ಕೆ ಅಗಮಿಸಬೇಕೆಂದು ಶೈಕ್ಷಣಿಕ ವಿಭಾಗದ ಕುಲಸಚಿವ ಡಾ.ಗೋವಿಂದರಾಜು ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.