ರಾಯಚೂರಲ್ಲಿ ಸುರಿದ ಭಾರಿ ಮಳೆಗೆ 46 ಕುರಿಗಳು ಬಲಿ

ರಾಯಚೂರಲ್ಲಿ ಕಳೆದ ನಾಲ್ಕೈದು ದಿನಗಳಿಂದ ಸುರಿದ ಭಾರಿ ಮಳೆಗೆ ಸುಮಾರು 46 ಕುರಿಗಳು ಮೃತಪಟ್ಟಿವೆ.

ರಾಯಚೂರು: ಜಿಲ್ಲೆಯ ನಾನಾ ಕಡೆ ಮಳೆಯ ಆರ್ಭಟಕ್ಕೆ ಸಿಲುಕಿ 46 ಕುರಿಗಳು‌ ಸಾವನ್ನಪ್ಪಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ತಾಲೂಕಿನ ಜೇಗರಕಲ್ ಗ್ರಾಮದ ಸಣ್ಣ ಹುಸೇನಪ್ಪ, ನಾಗಪ್ಪ, ಬಸಲಿಂಗಪ್ಪ, ದೊಡ್ಡ ಹುಸೇನಪ್ಪ, ಸಾಬಣ್ಣ, ಆಂಜನಪ್ಪ ಎಂಬುವರಿಗೆ ಸೇರಿದ 46 ಕುರಿಗಳು ಮೃತಪಟ್ಟಿವೆ.

ಜಿಲ್ಲೆಯಲ್ಲಿ ನಾಲ್ಕೈದು ದಿನಗಳಿಂದ ಸುರಿದ ಮಳೆಯ ಪರಿಣಾಮ ಶನಿವಾರ 20 ಕುರಿಗಳು ಮೃತಪಟ್ಟರೆ, ನಿನ್ನೆ 26 ಕುರಿಗಳು ಸಾವನ್ನಪ್ಪಿವೆ ಎಂದು ಹೇಳಲಾಗುತ್ತಿದ್ದು, ಇದರಿಂದ ಸುಮಾರು 4 ಲಕ್ಷ ರೂ. ನಷ್ಟ ಉಂಟಾಗಿದೆ.

ಕುರಿಗಳನ್ನು ಕಳೆದುಕೊಂಡ ರೈತರಿಗೆ ಸರ್ಕಾರ ಪರಿಹಾರ ನೀಡಬೇಕೆಂದು ಒತ್ತಾಯಿಸಿದ್ದಾರೆ.