ಹುಬ್ಬಳ್ಳಿ: ಅವಳಿ ನಗರ ಸಂಪರ್ಕಿಸಲು ಆರಂಭಿಸಿರುವ ಬಿಆರ್ಟಿಎಸ್ ಸಾರಿಗೆಯ ಪ್ರತ್ಯೇಕ ಕಾರಿಡಾರ್ ರಸ್ತೆಯಲ್ಲಿ ಯಾವುದೇ ಖಾಸಗಿ ವಾಹನಗಳ ಓಡಾಡ ನಿಷೇಧಿಸಲಾಗಿದೆ. ಆದರೆ ಪೊಲೀಸರು, ರಾಜಕಾರಣಿಗಳು ಮತ್ತು ತುರ್ತು ವಾಹನಗಳಿಗೆ ಈ ಮಾರ್ಗದಲ್ಲಿ ಸಂಚರಿಸಲು ಅವಕಾಶವಿದೆ.
ಆದರೆ ರೋಗಿಯೊಬ್ಬರನ್ನು ಈ ಮಾರ್ಗದ ಮೂಲಕ ಆಸ್ಪತ್ರೆಗೆ ಸಾಗಿಸಿದ್ದ ಆ್ಯಂಬುಲೆನ್ಸ್ಗೆ ಬಿಆರ್ಟಿಎಸ್ ಅಧಿಕಾರಿಗಳು ದಂಡ ವಿಧಿಸಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಬಿಆರ್ಟಿಎಸ್ ಸಾರಿಗೆಯ ಈ ಪ್ರತ್ಯೇಕ ಕಾರಿಡಾರ್ ನಿರ್ಮಾಣ ಅವೈಜ್ಞಾನಿಕವಾಗಿದೆ ಅನ್ನೋ ಆರೋಪವಿದೆ. ಅಲ್ಲದೇ ಈ ಪ್ರತ್ಯೇಕ ಕಾರಿಡಾರ್ ನಿರ್ಮಾಣದಿಂದ ಹುಬ್ಬಳ್ಳಿ-ಧಾರವಾಡ ಮಾರ್ಗ ಇಕಟ್ಟಿನಿಂದ ಕೂಡಿದೆ. ಇತಂಹ ಪರಿಸ್ಥಿತಿಯಲ್ಲಿ ಕಾರಡಾರ್ನಲ್ಲಿ ಅಂಬುಲೈನ್ಸ್ ಸಂಚರಿಸಲು ಅನುಮತಿ ಇದ್ದರೂ ಅಧಿಕಾರಿಗಳು ಮಾತ್ರ ಆ್ಯಂಬುಲೆನ್ಸ್ಗೆ ದಂಡ ವಿಧಿಸಿ ದರ್ಪ ಮೆರೆದಿದ್ದಾರೆ ಎಂದು ಸಾರ್ವಜನಿಕರು ಆಕ್ರೋಶ ಹೊರಹಾಕಿದ್ದಾರೆ.
ಫೆಬ್ರವರಿ 7ರಂದು ಈ ರಸ್ತೆಯಲ್ಲಿ ರೋಗಿಯನ್ನ ಆಸ್ಪತ್ರೆಗೆ ದಾಖಲಿಸಲು ಸಂಚರಿಸಿದ ಆ್ಯಂಬುಲೆನ್ಸ್ಗೆ ಬಿಆರ್ಟಿಎಸ್ ಅಧಿಕಾರಿಗಳು 600 ರೂಪಾಯಿ ದಂಡ ವಿಧಿಸಿರುವುದು ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.
ಮಾಜಿ ಸಿಎಂ, ಹಾಲಿ ಕೈಗಾರಿಕಾ ಸಚಿವ ಜಗದೀಶ್ ಶೆಟ್ಟರ್ ಕನಸಿನ ಯೋಜನೆ ಆಗಿರುವ ಬಿಆರ್ಟಿಎಸ್ ಸಾರಿಗೆ ವ್ಯವಸ್ಥೆ ವಿರುದ್ಧ ಒಂದೆಡೆ ಅವರದ್ದೇ ಪಕ್ಷದ ಶಾಸಕ ಅರವಿಂದ ಬೆಲ್ಲದ್ ಅಪಸ್ವರ ಎತ್ತಿದ್ದಾರೆ. ಇನ್ನೊಂದೆಡೆ ಜನರ ಜೀವ ಉಳಿಸಲು ಕಾರ್ಯನಿರ್ವಹಿಸುವ ಆ್ಯಂಬುಲೆನ್ಸ್ಗೆ ಅಧಿಕಾರಿಗಳು ದಂಡ ವಿಧಿಸಿರುವುದು ಚರ್ಚೆಗೆ ಕಾರಣವಾಗಿದೆ.
ಇದನ್ನೂ ಓದಿ: ವಾಣಿಜ್ಯ ನಗರಿ ಹುಬ್ಬಳ್ಳಿಯಲ್ಲಿ ಅತಿಯಾಗಿದೆ ಶಬ್ಧ ಮಾಲಿನ್ಯ: ಉದ್ಭವಿಸಲಿದೆಯಾ ಭಾರಿ ಸಮಸ್ಯೆ?
