ಚಿಕ್ಕಮಗಳೂರಿನ ಎಐಟಿ ಕ್ಯಾಂಪಸ್​​​ನಲ್ಲಿ ಹೆಬ್ಬಾವು ಪ್ರತ್ಯಕ್ಷ

ಚಿಕ್ಕಮಗಳೂರು ನಗರದ ಆದಿಚುಂಚನಗಿರಿ ತಾಂತ್ರಿಕ ಮಹಾವಿದ್ಯಾಲಯ ಕಾಲೇಜಿನ ಪಾರ್ಕ್​​​ನಲ್ಲಿ ಬೃಹತ್ ಗಾತ್ರದ ಹೆಬ್ಬಾವೊಂದು ಪ್ರತ್ಯಕ್ಷವಾಗಿದೆ.

ಚಿಕ್ಕಮಗಳೂರು: ನಗರದ ಆದಿಚುಂಚನಗಿರಿ ತಾಂತ್ರಿಕ ಮಹಾವಿದ್ಯಾಲಯ ಕಾಲೇಜಿನ ಪಾರ್ಕ್​​​ನಲ್ಲಿ ಬೃಹತ್ ಗಾತ್ರದ ಹೆಬ್ಬಾವೊಂದು ಪ್ರತ್ಯಕ್ಷವಾಗಿದ್ದು, ಈ ಹಾವು ಬರೋಬ್ಬರಿ 13 ಅಡಿ ಉದ್ದವಿದೆ.

ಇಲ್ಲಿನ ಕ್ಯಾಂಪಸ್​​​ ಪಾರ್ಕ್​​​ನಲ್ಲಿ ಹಾವನ್ನು ನೋಡಿದ ಜನರು ಕೂಡಲೇ ಉರಗ ತಜ್ಞ ಸ್ನೇಕ್ ನರೇಶ್​ಗೆ ಕರೆ ಮಾಡಿ ವಿಚಾರ ತಿಳಿಸಿದ್ದಾರೆ. ಸ್ಥಳಕ್ಕೆ ಬಂದ ಉರಗ ತಜ್ಞ ನರೇಶ್​​ ಒಂದು ಗಮಟೆಯ ಕಾರ್ಯಾಚರಣೆ ಬಳಿಕ ಹೆಬ್ಬಾವನ್ನು ಸೆರೆ ಹಿಡಿದಿದ್ದಾರೆ.

ಇನ್ನು ಕಳೆದ ಕೆಲ ದಿನಗಳ ಹಿಂದೆ ಈ ಹೆಬ್ಬಾವು ರಾತ್ರಿ ಪಾಳೆಯದ ಕಾವಲುಗಾರರ ಕಣ್ಣಿಗೂ ಬಿದ್ದಿತ್ತು. ಅಲ್ಲದೆ ವಾಕಿಂಗ್ ಹೋಗುವರಿಗೂ ಕಾಣಿಸಿಕೊಂಡಿತ್ತು. ಕೊನೆಗೂ ಹೆಬ್ಬಾವು ಸೆರೆಯಾಗಿದ್ದು, ಉರಗ ತಜ್ಞ ನರೇಶ್ ಈ ಹೆಬ್ಬಾವನ್ನು ಸುರಕ್ಷಿತವಾಗಿ ನಗರದ ಹೊರವಲಯದ ಚುರ್ಚೆ ಗುಡ್ಡಕ್ಕೆ ಬಿಟ್ಟಿದ್ದಾರೆ.