ಚಾಮರಾಜನಗರ: ಗುಂಡ್ಲುಪೇಟೆ ಬಿಳಿಕಲ್ಲು ಗುಡ್ಡ ಕುಸಿದಿರುವ ಪ್ರಕರಣದಲ್ಲಿ ಸಿಲುಕಿದ್ದ ಐವರನ್ನು ರಕ್ಷಣೆ ಮಾಡಲಾಗಿದೆ ಎಂದು ಚಾಮರಾಜನಗರ ಡಿಸಿ ಚಾರುಲತಾ ಸೋಮಲ್ ತಿಳಿಸಿದ್ದಾರೆ.
ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಮಾತನಾಡಿ, ಹಲವರು ನಾಪತ್ತೆಯಾಗಿದ್ದು, ಅವರು ಆ ವೇಳೆ ಓಡಿಹೋಗಿದ್ದಾರೋ, ಇಲ್ಲವೇ ಗುಡ್ಡದಲ್ಲಿ ಸಿಲುಕಿದ್ದಾರೋ ಎಂಬುದು ತಿಳಿಯುತ್ತಿಲ್ಲ. ಪ್ರಾಥಮಿಕ ಮಾಹಿತಿಯಲ್ಲಿ ಗೊತ್ತಾದಂತೆ ಸಿಲುಕಿದ್ದ ಐವರನ್ನೂ ರಕ್ಷಿಸಲಾಗಿದೆ. ರಾತ್ರಿ NDRF ಮತ್ತು STRF ಪಡೆ ಬರಲಿದ್ದು, ಕಾರ್ಯಾಚರಣೆ ನಡೆಸಲಿದ್ದಾರೆ ಎಂದರು.
ಇದನ್ನೂ ಓದಿ: ಬಜೆಟ್ನಲ್ಲಿ ರಾಜಸ್ವ, ವಿತ್ತೀಯ ಕೊರತೆ ಎಷ್ಟು?
ಇನ್ನು, ಗಣಿ ಮತ್ತು ಭೂವಿಜ್ಞಾನ ಇಲಾಖೆಯು ಒಂದು ತಜ್ಞರ ತಂಡವನ್ನು ಕಳುಹಿಸುತ್ತಿದ್ದು, ನಿರಂತರವಾಗಿ ಅಧಿಕಾರಿಗಳೊಟ್ಟಿಗೆ ಸಂಪರ್ಕದಲ್ಲಿ ಇರುವುದಾಗಿ ಹೇಳಿದರು.
ಸಿಲುಕಿರುವುದೇ ಅನುಮಾನ: ಮೇಲ್ನೋಟಕ್ಕೆ ಕಂಡುಬರುತ್ತಿರುವಂತೆ ಗುಡ್ದದಲ್ಲಿ ಇನ್ನು ಯಾರೂ ಸಿಲುಕಿಲಾರರು ಎಂಬ ಶಂಕೆ ಮೂಡುತ್ತಿದೆ. ಲೈವ್ ವಿಡಿಯೋದಲ್ಲಿ ಕಾಣುವಂತೆ ಹಲವರು ಓಡಿ ಹೋಗುತ್ತಾರೆ. ಎಲ್ಲರೂ ಮಹಾರಾಷ್ಟ್ರ, ಬಿಹಾರ ಮೂಲದವರಾದ್ದರಿಂದ ಹೊರಗಡೆ ಇದ್ದಾರಾ, ಸಿಲುಕಿಕೊಂಡಿದ್ದಾರಾ ಎಂಬುದು ಗೊತ್ತಾಗುತ್ತಿಲ್ಲ ಎಂದು ಡಿಸಿ ಹೇಳಿದರು.
