ಬಳ್ಳಾರಿ: ರೌಡಿಶೀಟರ್ ಯಲ್ಲಪ್ಲ ಕೊಲೆ ಪ್ರಕರಣದಲ್ಲಿ ಭಾಗಿಯಾದ ನೆರೆಯ ಆಂಧ್ರ ಪ್ರದೇಶದ ಕರ್ನೂಲ್ ಜಿಲ್ಲೆಯ ಮೂವರು ಸುಪಾರಿ ಕಿಲ್ಲರ್ಗಳು ಹಾಗೂ ಓರ್ವ ರೌಡಿಶೀಟರ್ ಇಲ್ಲಿನ ಜಿಲ್ಲಾ ಜೆಎಂಎಫ್ಸಿ ಕೋರ್ಟಿಗೆ ಹಾಜರಾದರು.
ಸುಪಾರಿ ಕಿಲ್ಲರ್‌ಗಳಾದ ನೆರೆಯ ಆಂಧ್ರ ಪ್ರದೇಶದ ಕರ್ನೂಲ್ ಜಿಲ್ಲೆಯ ಬೋಯಾ ಸುಧಾಕರ್, ಬಿ. ಅಯ್ಯಣ್ಣ, ಕುರುವಾ ರಮೇಶ ಅಲಿಯಾಸ್ ತಿಕ್ಕ ರಮೇಶ ಹಾಗೂ ಬಳ್ಳಾರಿಯ ಅಂದ್ರಾಳ್‌ನ ರಾಮಾಂಜಿನಿ ಕೋರ್ಟಿಗೆ ಹಾಜರಾದವರು.
ಜಿಲ್ಲೆಯ ಪೊಲೀಸರು ಈ ಆರೋಪಿಗಳ ಬಂಧನಕ್ಕೆ ಬಲೆ ಬೀಸಿದ್ದರು. ಬಂಧನ ಭೀತಿಗೊಳಗಾಗಿ ಈ ಆರೋಪಿಗಳು ನೇರವಾಗಿ ಕೋರ್ಟಿಗೆ ಹಾಜರಾಗಿ ಪೊಲೀಸರ ಹುಬ್ಬೇರಿಸಿದ್ದಾರೆ. ಆರೋಪಿಗಳನ್ನು ತಮ್ಮ ವಶಕ್ಕೆ ಪಡೆದು ವಿಚಾರಣೆ ಕೈಗೆತ್ತಿಕೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
