ಬಳ್ಳಾರಿಯಲ್ಲಿ ಮೋಡ ಕವಿದ ವಾತಾವರಣ.. ಒಂದೂವರೆ ಗಂಟೆ ಜಿಟಿ-ಜಿಟಿ ಮಳೆ..

ಗಣಿನಾಡು ಬಳ್ಳಾರಿಯಲ್ಲಿ ಮತ್ತೆ ಮಳೆಯಾಗಿದೆ. ಇವತ್ತು ಬೆಳಗ್ಗೆ ಒಂದೂವರೆ ಗಂಟೆ ಬಿಡದೆ ಜಿಟಿ-ಜಿಟಿ ಮಳೆಯಾಗಿದೆ. ಬಿಸಿಲಿನ ಬದಲಾಗಿ ನಗರದಲ್ಲಿ ಮೋಡ ಕವಿದ ವಾತಾವರಣವಿದೆ.

ಬಳ್ಳಾರಿ: ಬಳ್ಳಾರಿಯಲ್ಲಿ ನಿನ್ನೆ ಸಂಜೆಯಿಂದ ಮೋಡ ಕವಿದ ವಾತಾವರಣವಿದೆ. ಇಂದು ಬೆಳಿಗ್ಗೆ ಆರು ಗಂಟೆಯಿಂದಲೇ ಬಿಡದೆ ಒಂದೂವರೆ ಗಂಟೆ ಜಿಟಿ-ಜಿಟಿ ಮಳೆಯಾಗಿದೆ.

ನಗರದ ರೈಲ್ವೆ ನಿಲ್ದಾಣದ ಮುಂಭಾಗದಲ್ಲಿ ರೈಲ್ವೆ ಪ್ರಯಾಣ ಮಾಡುವ ಪ್ರಯಾಣಿಕರಿಗೆ ಮಳೆಯಲ್ಲಿ ನೆನೆಯುವ ಪರಿಸ್ಥಿತಿ ಉಂಟಾಯಿತು. ನಗರದ ರೈಲ್ವೆ ನಿಲ್ದಾಣ, ಬಸ್ ನಿಲ್ದಾಣ, ಕೌಲ್ ಬಜಾರ್, ಸತ್ಯನಾರಾಯಣ ಪೇಟೆ​ಗಳಲ್ಲಿ ನೀರು ತುಂಬಿ ರಸ್ತೆ ಸಂಚಾರಕ್ಕೆ ತೊಂದರೆಯಾಗಿತ್ತು.

ನಗರದಲ್ಲಿ ಮಳೆಯಿಲ್ಲದೆ ಎಂದು ಮೂಲೆ ಸೇರಿಸಿದ್ದ ಕ್ಯಾಪ್, ಜರ್ಕೀನ್, ಛತ್ರಿಗಳು ಹೊರಗಡೆ ಬಂದಿದ್ದವು. ಕೆಲವರು ಮಳೆಯಲ್ಲಿಯೇ ನೆನೆದು ತಮ್ಮ ಮನೆಗಳಿಗೆ, ಊರುಗಳಿಗೆ ಪ್ರಯಾಣ ಬೆಳೆಸಿದರು.